BCCI Chetan Sharma : చేత‌న్ శ‌ర్మపై వేటు ప‌డ‌నుందా

BCCI Chetan Sharma : జీ న్యూస్ చేప‌ట్టిన స్టింగ్ ఆప‌రేష‌న్ లో అడ్డంగా బుక్క‌య్యాడు భార‌త క్రికెట్ చీఫ్ సెలెక్ట‌ర్ చేత‌న్ శ‌ర్మ‌. సెలెక్ష‌న్ ఎంపిక‌లో చోటు చేసుకున్న విష‌యాల‌ను , సౌర‌వ్ గంగూలీ విరాట్ కోహ్లీ మ‌ధ్య చోటు చేసుకున్న వివాదం, హిట్ మ్యాన్ ..కోహ్లీ మ‌ధ్య విభేదాలు , ఆట‌గాళ్లు ఫిట్ నెస్ కోసం చేసే ప్ర‌య‌త్నాలు, న‌కిలీ ఇంజెక్ష‌న్లు తీసుకుంటారంటూ సంచ‌ల‌న వ్యాఖ్య‌లు చేశారు.

ప్ర‌స్తుతం దేశ వ్యాప్తంగా చేత‌న్ శ‌ర్మ స్టింగ్ ఆప‌రేష‌న్ వ్య‌వ‌హారం హాట్ టాపిక్ గా మారింది.ఈ త‌రుణంలో భార‌త క్రికెట్ కంట్రోల్ బోర్డు (బీసీసీఐ) ఏ ర‌కంగా ముందుకు వెళుతుంది. 

రూల్స్ కు విరుద్దంగా చేసిన వ్యాఖ్య‌లు ప్ర‌స్తుతం చీఫ్ సెలెక్ట‌ర్ గా చేత‌న్ శ‌ర్మ‌పై(BCCI Chetan Sharma) చ‌ర్య తీసుకుంటుందా లేక వివ‌ర‌ణ మాత్ర‌మే కోరుతుందా, పూర్తిగా తొల‌గిస్తుందా అనేది ఉత్కంఠ‌గా మారింది. ప్ర‌ధానంగా కేర‌ళ స్టార్ బ్యాట‌ర్ సంజూ శాంస‌న్ పై చేసిన కామెంట్స్ కూడా తీవ్ర రాద్దాంతానికి దారి తీసేలా చేశాయి. 

మ‌రో వైపు చీఫ్ సెలెక్ట‌ర్ గా మ‌రోసారి నియ‌మితులైన చేత‌న్ శ‌ర్మ సీక్రెట్ స్టింగ్ ఆప‌రేష‌న్ లో చిక్కుకోవ‌డంతో ఒక ర‌కంగా త‌న‌ను తాను ఇబ్బందుల్లో ప‌డేసుకున్నాడు. భార‌త క్రికెట్ లోని ప్ర‌తి హాట్ టాపిక్ పై చేత‌న్ శ‌ర్మ విస్తృతంగా మాట్లాడాడు. అయితే స్టింగ్ ఆప‌రేష‌న్ ద్వారా ల‌క్ష్యంగా చేసుకున్నాడ‌ని గ్ర‌హించ లేదు. 

ప్ర‌స్తుతం భార‌త క్రికెట్ జ‌ట్టులో వివాదాలు ఏర్ప‌డ్డ తీరుతో క్రికెట్ స‌మాజం క‌ల‌వ‌ర ప‌డుతోంది. బీసీసీఐ చేత‌న్ శ‌ర్మ వ్య‌వ‌హారంపై సీరియ‌స్ గా ఆలోచిస్తున్న‌ట్లు టాక్. భార‌త క్రికెట్ స‌ర్క్యూట్ లో తెర వెనుక ఏమి జ‌రుగుతుందో చేత‌న్ శ‌ర్మ బ‌యట‌కు చెప్ప‌డం ప‌ట్ల బీసీసీఐ గుర్రుగా ఉంది. 

బోర్డు చీఫ్ రోజ‌ర్ బిన్నీ , సెక్ర‌ట‌రీ జే షా తో స‌హా స్టింగ్ ఆప‌రేష‌న్ ప‌ట్ల తీవ్ర అసంతృప్తితో ఉన్నారు. శ‌ర్మ‌పై(BCCI Chetan Sharma) అధికారికంగా చ‌ర్య‌లు తీసుకునేందుకు సిద్దం అవుతోంది. 

క్రికెట‌ర్లు న‌కిలీ ఫిట్ నెస్ ఇంజెక్ష‌న్లు వాడుతున్న‌రాని ఆరోపించాడు చేత‌న్ శ‌ర్మ‌. ప్ర‌ముఖ ఆట‌గాళ్ల ప‌ట్ల బీసీసీఐ ఉద్దేశ పూర్వ‌కంగానే విస్మ‌రిస్తోందంటూ సంచ‌ల‌న కామెంట్స్ చ‌స్త్రశాడు. రోహిత్ శ‌ర్మ‌, పాండ్యా వంటి ఆట‌గాళ్లు ప‌లుకుబడి క‌లిగిన వారంటూ పేర్కొన‌డం తీవ్ర రాద్దాంతానికి తెర తీసింది.

Also Read : సంజూ ఫ్యాన్స్ పై చేత‌న్ శ‌ర్మ ఫైర్