Kesineni Nani : టీడీపీని వీడిన కేశినేని.. వైసీపీ గూటికి వెళ్లనున్నారా..?

Kesineni Nani : ఎన్నికలకు ముందే బెజవాడ రాజకీయాలు రసవత్తరంగా మారాయి. గత వారం రోజులుగా రాష్ట్ర రాజకీయాల్లో కేశినేని ఎపిసోడ్ చర్చనీయాంశమైంది. ఎట్టకేలకు తెలుగుదేశం పార్టీకి వీడ్కోలు పలికిన విజయవాడ ప్రస్తుత ఎంపీ(MP) కేశినేని నాని వైఎస్సార్‌సీపీలో చేరనున్నట్లు తెలుస్తోంది. ఈ మేరకు బుధవారం ఏపీ ముఖ్యమంత్రి వైఎస్‌ జగన్‌మోహన్‌రెడ్డితో సమావేశం కానున్నట్లు సమాచారం. బెజవాడ రాజకీయం సంచలనంగా మారింది.

Kesineni Nani Viral

తాజాగా ఎంపీ కేశినేని నాని వరుస ట్వీట్లతో టీడీపీకి షాక్ ఇచ్చారు. కేశినేని సోదరుల మధ్య చాలా కాలంగా కొనసాగుతున్న విభేదాలు ఎన్నికల ఆధిపత్య పోరుగా మారాయి. ఈ క్రమంలో… టీడీపీ నాయకత్వానికి అండగా నిలుస్తూ తమ్ముడు కేశినేని చిన్నీ ఇప్పటికే రాజీనామా చేయాలని నిర్ణయించుకున్నారు. కేశినేని నానిని టీడీపీ పక్కన పెట్టింది అని నాని పార్టీని వీడుతున్నానన్నారు. ఈ క్రమంలోనే వారు వైసిపిలో చేరనున్నట్లు తెలుస్తోంది. ఇప్పటికే వైసీపీ నేతలతో నాని చర్చలు జరిపారు. ఈరోజు రాత్రి వైసీపీలో నాని చేరికపై వివరణ ఇవ్వనున్నారు.

చంద్రబాబు అవసరం లేదని భావించినప్పుడు పార్టీలో కొనసాగలేనని ఎంపీ కేశినేని నాని(Kesineni Nani) ప్రకటించారు. ముందుగా తన పార్లమెంటరీ పదవికి రాజీనామా చేస్తానని, ఆ తర్వాత పార్టీకి రాజీనామా చేస్తానని నాని చెప్పారు. కార్యకర్తలతో చర్చించి తుది నిర్ణయం తీసుకుంటామని కేశినేని నాని తెలిపారు. అయితే టీడీపీ నేతలు కేశినేని నానిని బుజ్జగించే ప్రయత్నం చేసినా ఫలితం లేకపోయింది. నానిని టీడీపీ అధిష్టానం పక్కన పెట్టడంతో నాని పార్టీని వీడారు. ఈ క్రమంలోనే వారు వైసిపిలో చేరనున్నట్లు తెలుస్తోంది. ఇప్పటికే వైసీపీ నేతలతో నాని చర్చలు జరిపారు. మధ్యాహ్నం 3 గంటలకు సీఎం వైఎస్‌ జగన్‌తో కేసినే నాని భేటీ కానున్నట్లు సమాచారం.

ఈ నేపథ్యంలో నిన్న మొన్నటి వరకు చంద్రబాబు, కేశినేని నాని, కేశినేని శ్వేత తదితరులతో పసుపుమయం అయిన విజయవాడ పార్లమెంటరీ కార్యాలయం ఇప్పుడు పూర్తిగా మారిపోయింది. పసుపు రంగు ఫ్లెక్సీని పూర్తిగా తొలగించారు. పార్టీలకతీతంగా ‘ఐ లవ్ విజయవాడ’ అంటూ ఓ ఫ్లెక్సీని ఏర్పాటు చేశారు. బెజవాడలో నిర్మించిన మూడు ఫ్లై ఓవర్ల చిత్రాలతో కూడిన సోనోషీట్లను నాని అభిమానులు అతికించారు. ఎన్టీఆర్ ఫోటోలతో పాటు కేశినేని నాని, శ్వేత ఫోటోలు మాత్రమే ఉండేలా ఫ్లెక్సీలు ఏర్పాటు చేశారు.

వైసీపీలో చేరేందుకు సిద్ధమయ్యారనే చర్చ సాగుతోంది. వైసీపీ తరపున విజయవాడ ఎంపీగా పోటీ చేసే అవకాశం ఉంది. ఆయనతో పాటు తిరువూరు మాజీ ఎమ్మెల్యే స్వామి దాస్ కూడా వైసీపీలో చేరే అవకాశం ఉంది. స్వామి దాస్‌ను విజయవాడలో కలిసేందుకు అనుమతించాలని ఎంపీ నాని ఇప్పటికే చెప్పినట్లు సంబంధిత వర్గాలు తెలిపాయి.

Also Read : Telangana Govt : రోడ్లపై ఎగురుతూ ప్రజాపాలన అప్లికేషన్లు.. అధికారులపై ఆగ్రహం