Kapil Sharma Mann : ‘మాన్ పాజీ’ జ‌నం మ‌న‌సు దోచేశారు

Kapil Sharma Mann : పంజాబ్ ఎన్నిక‌ల్లో భారీ విజ‌యాన్ని సాధించింది ఆమ్ ఆద్మీ పార్టీ. 117 సీట్ల‌లో 92 సీట్లు పొంది చ‌రిత్ర సృష్టించింది. 48 ఏళ్ల వ‌య‌సున్న భ‌గ‌వంత్ మాన్ క‌మెడియ‌న్ గా పేరొందారు.

ఆ త‌ర్వాత అనుకోకుండా రాజకీయ నాయ‌కుడిగా మారారు. సింగ్రూర్ నుంచి ఎంపీగా గెలుపొందారు. ఊహించ‌ని రీతిలో ఈసారి అసెంబ్లీ ఎన్నిక‌ల్లో ఆప్ పార్టీ సీఎం అభ్య‌ర్థిగా ముందే ప్ర‌క‌టించారు ఆప్ చీఫ్ , ఢిల్లీ సీఎం అర‌వింద్ కేజ్రీవాల్.

ఆప్ ఘ‌న విజ‌యాన్ని, భ‌గ‌వంత్ మాన్ పై ప్ర‌శంస‌ల‌తో ముంచెత్తుతున్నారు. ఇవాళ రెండు ఆస‌క్తిక‌ర ప‌రిణామాలు చోటు చేసుకున్నాయి.

పంజాబ్ పీసీసీ చీఫ్‌, మాజీ క్రికెట‌ర్ న‌వ జ్యోత్ సింగ్ సిద్దూ తో పాటు ప్ర‌ముఖ భార‌తీయ హోస్ట్ , క‌మెడియ‌న్ స్టార్ క‌పిల్ శ‌ర్మ భ‌గ‌వంత్ మాన్ (Kapil Sharma Mann)ను ఆకాశానికి ఎత్తేశాడు.

ఎన్నిక‌ల్లోనే కాదు భగ‌వంత్ మాన్ పంజాబ్ ప్ర‌జ‌ల హృద‌యాల‌ను గెలుచుకున్నాడ‌ని పేర్కొన్నాడు. ఇదిలా ఉండ‌గా క‌పిల్ శ‌ర్మ భ‌గ‌వంత్ మాన్ తో క‌లిసి చేసిన ప్రోగ్రామ్ ను గుర్తు చేసుకున్నాడు.

తామిద్ద‌రం క‌లిసి దిగిన అరుదైన ఫోట‌ను ఈ సంద‌ర్భంగా సామాజిక వేదిక ద్వారా ఫోటో షేర్ చేశారు. ప్ర‌స్తుతం ఇది వైర‌ల్ గా మారింది. అంతే కాదు క‌పిల్ శ‌ర్మ , త‌న భార్య గిన్నీ చ‌త్రాత్ తో క‌లిసి మిస్ట‌ర్ మాన్ న‌టిస్తున్న కొత్త వ‌ధూవ‌రుల చిత్రాన్ని పోస్ట్ చేశారు.

చ‌రిత్ర సృష్టించే వారిని చ‌రిత్ర గుర్తుంచుకుంటుంది. మాన్ పాజీకి అభినంద‌న‌లు. మీ నాయ‌క‌త్వంలో పంజాబ్ అభివృద్ధి సాధించాల‌ని కోరుతున్నాన‌ని పేర్కొన్నాడు.

Also Read : ఈ విజ‌యం యోగి ప‌ని తీరుకు నిద‌ర్శ‌నం