YS Sharmila Invites : టీడీపీ అధినేత చంద్రబాబుకి షర్మిల ఆహ్వానం

YS Sharmila : కాంగ్రెస్ ఎంపీ వైఎస్ షర్మిల తనయుడు వైఎస్ రాజారెడ్డి వివాహం ఫిబ్రవరి 17న జరగనుండగా.. జనవరి 18న నిశ్చితార్థం జరగనుంది. దీనికి సంబంధించి వైఎస్ షర్మిల తనయుడు వివాహానికి సన్నాహాలు మొదలయ్యాయి. తెలుగు రాష్ట్రాలకు చెందిన పలువురు రాజకీయ నాయకులు, వ్యాపారవేత్తలను పెళ్లికి ఆహ్వానించనున్నారు. ఇందులో భాగంగానే ఏపీకి చెందిన తన అన్న వైఎస్ జగన్, తెలంగాణ సీఎం రేవంత్ రెడ్డి, డిప్యూటీ సీఎం భట్టి విక్రమార్క, గవర్నర్ తమిళిసై, మాజీ మంత్రి హరీశ్ రావు తదితరులను ఇటీవల ఆహ్వానించారు. తెలుగుదేశం పార్టీ అధినేత చంద్రబాబు నాయుడిని కూడా వైఎస్ షర్మిల ఆహ్వానించారు. హైదరాబాద్‌లోని చంద్రబాబు నివాసానికి విచ్చేసిన వైఎస్ షర్మిల.. తన కుమారుడు రాజా రెడ్డి వివాహానికి ఆహ్వానించారు.

YS Sharmila Met Chandrababu

కాంగ్రెస్ పార్టీ మెంబర్ వైఎస్ షర్మిల మాట్లాడుతూ వైఎస్‌ఆర్‌తో తనకున్న అనుబంధాన్ని చంద్రబాబు ఈ సందర్భంగా గుర్తు చేసుకున్నారు. సమావేశంలో రాజకీయాలు చర్చకు రాలేదన్నారు. ప్రతి అంశాన్ని రాజకీయ కోణంలో చూడటం సరికాదని షర్మిల(YS Sharmila) అన్నారు. తాను క్రమశిక్షణ కలిగిన కార్యకర్తనని, కాంగ్రెస్ పార్టీ తనకు అప్పగించిన అన్ని బాధ్యతలను నిర్వహిస్తానని షర్మిల అన్నారు. రాహుల్ గాంధీని ప్రధానిని చేయాలన్నది వైఎస్ఆర్ కల అని అన్నారు.

అయితే… వైఎస్ షర్మిల కాంగ్రెస్‌లో చేరినప్పటి నుంచి రాజకీయ పరిణామాలు వేగంగా మారాయి. ఇప్పటికే షర్మిల వైపు వైసీపీలో సీటు దొరకని నాయకులు చూస్తున్నారు. షర్మిల చంద్రబాబును కలిసి కొడుకు పెళ్లికి ఆహ్వానించడం హాట్ టాపిక్ గా మారింది. అంతకుముందు షర్మిల నారా కుటుంబ సభ్యులకు క్రిస్మస్ శుభాకాంక్షలు కూడా తెలిపారు. అది పక్కన పెడితే… పలువురు ప్రతిపక్ష నేతలను కూడా షర్మిల ఆహ్వానించాలని యోచిస్తున్నారు. జనసేన అధినేత పవన్ కళ్యాణ్ కి కూడా ఆహ్వానం పలికే అవకాశం ఉందని తెలుస్తుంది.

Also Read : YSRCP vs TDP : వైఎస్సార్‌సీపీ వర్సెస్ టీడీపీ అంటూ ఒకరి మీద ఒకరు ఫిర్యాదుల రగడ