#Tollywood : పోటా పోటీగా సినిమా రిలీజ్ డేట్స్ ఫిక్స్

Tollywood  : టాలీవుడ్ కొత్త పుంత‌లు తొక్కుతోంది. క‌రోనా కాలంలో కొంత కాలం ఈ రంగంపై తీవ్ర ఎఫెక్ట ప‌డింది. దీంతో ఈ ఇండ‌స్ట్రీపై వేలాది మంది ఆధార‌ప‌డ్డారు. తాజాగా కేంద్ర ప్ర‌భుత్వం కొన్ని ష‌ర‌తుల‌తో కూడిన అడ్డంకులు తొల‌గించ‌డంతో ఆయా రాష్ట్రాల ప్ర‌భుత్వాలు థియేట‌ర్లకు ప‌చ్చ జెండా ఊపాయి. దీంతో ఇప్ప‌టికే తీసిన సినిమాల‌కు సంబంధించిన బాక్సులు మూల‌కు ప‌డ్డాయి.

వాటిని దుమ్ము దులిపి తిరిగి థియేట‌ర్ల‌లో ప్ర‌ద‌ర్శించేందుకు రెడీ అయ్యారు సినిమా నిర్మాత‌లు. డిస్ట్రిబ్యూట‌ర్లు ఎప్పుడెపుడా అని ఎదురు చూస్తున్నారు. అంద‌రి అంచ‌నాలు త‌ల‌కిందులు చేస్తూ దూరంగా ఉంటార‌నుకున్న అభిమానులు బొమ్మ చూసేందుకు రావ‌డం మొద‌లు పెట్టారు. దీంతో డైరెక్ట‌ర్లు, నిర్మాత‌లు, హీరో హీరోయిన్లు, టెక్నిషియ‌న్లు ఆనంద ప‌డ్డారు.

ఇక సినిమాల‌కు సంబంధించి కొత్త‌గా ఎప్పుడూ లేని రీతిలో మూవీస్ డేట్స్ అప్పుడే ఫిక్స్ చేస్తున్నారు. రోజుకో ప్రొడ్యూస‌ర్ రావ‌డం డిక్లేర్ చేయ‌డంతో ఏ సినిమా ఎప్పుడ‌నే టెన్ష‌న్ నెల‌కొంది. ఆర్నెళ్లు కాదు ఏడాది కి ముందే త‌మ మూవీకి సంబంధించిన డేట్ ను ప్ర‌క‌టిస్తున్నారు. జ‌న‌వ‌రి 27న జ‌క్క‌న్న ఆర్ ఆర్ ఆర్ సినిమా రిలీజ్ ప్ర‌క‌టించాడు.

ఇక అప్ప‌టి నుంచి సినిమాకు సంబంధించిన ఒక్కొక్క‌టి విడుద‌ల తేదీలు ప్ర‌క‌టిస్తున్నారు. తాజాగా ప్ర‌క‌టించిన సినిమాలు ఏకంగా తొమ్మిది ఉన్నాయి. గోపిచంద్ సంప‌త్ నంది సిటీమార్ ఏప్రిల్ 2న రానుండ‌గా, రానా, సాయి ప‌ల్ల‌వి వేణు విరాట ప‌ర్వం అదే నెల 30న విడుద‌ల కానుంది. వ‌రుణ్ తేజ్, కిర‌ణ్ కొర్ర‌పాటి గ‌ని మూవీ జూలై 29న రానుండ‌గా ఈ ఏడాది స‌మ్మ‌ర్ లో చిరంజీవి కొర‌టాల శివ కాంబినేష‌న్ లో ఆచార్య రానుంది.

సుకుమార్ అల్లు అర్జున్ పుష్ప మూవీ ఆగ‌ష్టు 13న ముహూర్తం ఖరారు చేశారు. ఇదే నెల 27న అనిల్ రావి పూడి, వెంక‌టేశ్, వ‌రుణ్ తేజ్ ల ఎఫ్ 3 సినిమా సంద‌డి చేయ‌నుంది. ర‌జ‌నీకాంత్, శివ అన్నాత్తే న‌వంబ‌ర్ 4న , మ‌హేష్ బాబు, ప‌ర‌శురామ్ 2022 సంక్రాంతికి విడుద‌ల కానుంది. సినిమాల మాటేమిటో కానీ ఈ రిలీజ్ డేట్స్ తో అభిమానులు విస్తు పోతున్నారు.