Liger Movie Promotion : లైగ‌ర్ హీరో..హీరోయిన్ల‌కు ఫుల్ క్రేజ్
మూవీ ప్ర‌మోష‌న్ లో మ‌ధ్య‌లో అంత‌రాయం
Liger Movie Promotion : డైన‌మిక్ డైరెక్ట‌ర్ పూరీ జ‌గ‌న్నాథ్ ద‌ర్శ‌క‌త్వంలో రౌడీ హీరో విజ‌య్ దేవ‌ర‌కొండ, అన‌న్య పాండే క‌లిసి న‌టించిన లైగ‌ర్ మూవీ(Liger Movie) ప్ర‌మోష‌న్స్ ఊపందుకున్నాయి. ఈ హీరో హీరోయిన్లు ఎక్క‌డికి వెళ్లినా క్రేజ్ త‌గ్గ‌డం లేదు.
ఒక్కోసారి ఫ్యాన్స్ ను కంట్రోల్ చేయ‌డం క‌ష్టం అవుతోంది నిర్వాహ‌కులు, పోలీసుల‌కు. తాజాగా జ‌రిగిన ప్ర‌మోష‌న్ కార్య‌క్ర‌మంలో భాగంగా మాల్ నుంచి అర్ధాంత‌రంగా నిష్క్ర‌మించారు విజ‌య్ దేవ‌ర‌కొండ, అన‌న్య పాండే.
ఇక లైగ‌ర్ మూవీ ఆగ‌స్టు 25న ప్ర‌పంచ వ్యాప్తంగా విడుద‌ల చేసేందుకు మూవీ మేక‌ర్స్ ఏర్పాట్లు చేశారు. అందులో భాగంగా ఇప్ప‌టికే సినిమాకు సంబంధించిన పోస్ట‌ర్లు, టీజ‌ర్లు, ట్రైల‌ర్ , సాంగ్స్ విడుద‌ల చేశారు.
పెద్ద ఎత్తున ఆద‌ర‌ణ ల‌భిస్తోంది. ప్ర‌ధానంగా విజ‌య్ దేవ‌ర‌కొండ యాక్ష‌న్ అద‌ర‌హో అనేలా ఉంది. ప్ర‌త్యేకించి మ‌నోడు 90 శాతం న్యూడ్ గా ఫోజ్ ఇవ్వ‌డం అద‌న‌పు ఆక‌ర్ష‌ణ‌గా మారింది.
ముంబై లోని ఒక మాల్ లో ప్ర‌మోష‌న్ కోసం వ‌చ్చిన వారికి పెద్ద ఎత్తున యువ‌తీ యువ‌కుల నుండి ఆద‌ర‌ణ ల‌భించింది. ఊహించ‌ని దాని కంటే ఎక్కువ‌గా వ‌చ్చారు.
అభిమానులు కేరింత‌లు , చ‌ప్ప‌ట్ల‌తో స్వాగ‌తం ప‌లికారు విజ‌య్ , అన‌న్య ల‌కు. మ‌హిళ‌లు, యువ‌తులు ఎక్కువ‌గా అర్జున్ రెడ్డి అంటూ పిలిచారు. పోస్ట‌ర్లు కూడా ప‌ట్టుకుని ప్ర‌ద‌ర్శించారు.
అంతే కాదు వి ల‌వ్ యూ అంటూ నినాదాలు కూడా చేశారు. విజ‌య్ దేవ‌ర‌కొండ అభిమానుల ఉత్సాహాన్ని నియంత్రించేందుకు ప్ర‌య‌త్నించాడు. కానీ ప‌రిస్థితి చేయి దాటి పోయింది.
న‌టీ న‌టులు సెక్యూరిటీని దృష్టిలో పెట్టుకుని మ‌ధ్య‌లోనే వెళ్లి పోయారు.
Also Read : ‘సిరిమ‌ల్లె పూసింది’ గుండెల్ని మీటింది