CM YS Jagan : మాకు ఢోకా లేదు వాళ్ల‌కు సీన్ లేదు
సీఎం వైస్ జ‌గ‌న్మోహ‌న్ రెడ్డి కామెంట్స్
AP CM Jagan : ఏపీ సీఎం షాకింగ్ కామెంట్స్ చేశారు. తాము ప్ర‌జా సంక్షేమ‌మే ప‌ర‌మావ‌ధిగా ప‌ని చేస్తున్నామ‌ని అన్నారు. దేశంలో ఎక్క‌డా లేని రీతిలో అభివృద్ది కార్య‌క్ర‌మాలు అమ‌లు చేస్తున్నామ‌ని ఇందులో ఎలాంటి అనుమానం అక్క‌ర్లేద‌న్నారు.
కొంద‌రు ప‌ని గ‌ట్టుకుని ఆరోప‌ణ‌లు చేస్తున్నార‌ని వారిని ప్ర‌జ‌లు న‌మ్మే స్థితిలో లేర‌న్నారు. త‌మ ఎజెండా ఒక్క‌టే పేద‌ల‌ను ఆదుకోవ‌డం. వారికి మెరుగైన మౌలిక స‌దుపాయాల‌ను క‌ల్పించ‌డం. ప్ర‌స్తుతం ఏపీ దేశానికి త‌ల‌మానికంగా నిలిచింద‌న్నారు.
ప్ర‌ధానంగా విద్య, వైద్యం, ఉపాధి, మ‌హిళా సాధికార‌త, వ్య‌వ‌సాయం, ఐటీ రంగాల‌కు ప్ర‌యారిటీ ఇచ్చామ‌న్నారు. ఇదే త‌మ అంతిమ నినాద‌మ‌ని పేర్కొన్నారు. ఏ ఒక్క‌రు పేద‌రికంతో ఉండ కూడ‌ద‌ని చ‌ర్య‌లు తీసుకున్నామ‌ని చెప్పారు.
ఇదే స‌మ‌యంలో తెనాలి వేదిక‌గా ఏపీ సీఎం సందింటి జ‌గ‌న్ మోహ‌న్ రెడ్డి నిప్పులు చెరిగారు విప‌క్షాల‌పై. మాజీ సీఎం చంద్ర‌బాబు నాయుడికి, ఆయ‌న ద‌త్త పుత్రుడు ప‌వ‌న్ క‌ళ్యాణ్ కు రాష్ట్రంలో అంత సీన్ లేద‌న్నారు. వారివ‌న్నీ క‌ల‌లేన‌ని అవి క‌ల్ల‌లు కావ‌డం ఖాయ‌మ‌న్నారు సీఎం. 175 స్థానాల్లో పోటీ చేసి గెలిచే స‌త్తా, ద‌మ్ము ఉందా అని ప్ర‌శ్నించారు . వారికి అంత సీన్ లేద‌న్నారు జ‌గ‌న్ రెడ్డి(AP CM Jagan). త‌మ‌ది పేద‌ల ప్ర‌భుత్వ‌మ‌ని కానీ చంద్ర‌బాబుది పెత్తందారీ పార్టీ అని ఆరోపించారు.
గ‌తంలో ఎన్నిక‌ల్లో ఇచ్చిన హామీల‌ను 98 శాతం నెర‌వేర్చాన‌ని చెప్పారు సందింటి జ‌గ‌న్ మోహ‌న్ రెడ్డి. త‌మ‌కు మేలు చేసిన వారిని గెలిపించాల‌ని కోరారు. దేశంలో ఏ రాష్ట్రంలో చేయ‌ని విధంగా రైతుల‌కు మేలు చేసేలా ఎన్నో కార్య‌క్ర‌మాలు చేప‌ట్టామ‌న్నారు సీఎం(AP CM Jagan). రైతు భ‌రోసా కేంద్రాలు ఎక్క‌డా లేవ‌న్నారు.
Also Read : ర్యాగింగ్ పై ఏపీ స‌ర్కార్ ఉక్కుపాదం