CM Chouhan Rahul : రాహుల్ మైండ్ లో పెగాస‌స్ ..ఫోన్లో కాదు

CM Chouhan Rahul : రాహుల్ గాంధీపై నిప్పులు చెరిగారు మ‌ధ్య‌ప్ర‌దేశ్ సీఎం శివ‌రాజ్ సింగ్ చౌహాన్. పెగాస‌స్ స్పైవేర్ గురించి కేంబ్రిడ్జి యూనివ‌ర్శిటీ వేదిక‌గా సంచ‌ల‌న ఆరోప‌ణ‌లు చేశారు కాంగ్రెస్ అగ్ర నాయ‌కుడు , వాయ‌నాడు ఎంపీ రాహుల్ గాంధీ. దీనిపై ఇప్ప‌టికే బీజేపీ అధికార ప్ర‌తినిధి సంబిత్ పాత్రా సీరియ‌స్ గా స్పందించారు. తాజాగా ఎంపీ సీఎం చౌహాన్ సైతం నిప్పులు చెరిగారు.

నిరాధార‌మైన ఆరోప‌ణ‌లు చేయ‌డం ప్ర‌తిపక్ష నాయ‌కుడికి అల‌వాటుగా మారింద‌ని ఆరోపించారు. ప్ర‌ధాన‌మంత్రి న‌రేంద్ర మోదీకి వ‌స్తున్న ఆద‌ర‌ణ‌ను చూసి త‌ట్టుకోలేక‌నే ఇలాంటి చ‌వ‌క‌బారు విమ‌ర్శ‌లు చేస్తున్నారంటూ మండిప‌డ్డారు.

సీఎం చౌహాన్ మీడియాతో మాట్లాడారు. పెగాస‌స్ స్పైవేర్ ను కావాల‌ని ముందుకు తెస్తున్నారంటూ ఫైర్ అయ్యారు. ఇదే స‌మ‌యంలో పోరాడేందుకు ఎలాంటి స‌మ‌స్య‌లు లేవ‌న్నారు. ఎలాగో రాజ‌కీయంగా ల‌బ్ది పొందేందుకు పార్టీకి మైలేజ్ తీసుకు వ‌చ్చేందుకు రాహుల్ గాంధీ ప్ర‌య‌త్నం చేస్తున్నారంటూ మండిప‌డ్డారు శివ‌రాజ్ సింగ్ చౌహాన్(CM Chouhan Rahul) . భార‌త్ జోడో యాత్ర పేరుతో చేసిన విమ‌ర్శ‌లు చాల‌న్నారు.

జ‌నం పార్టీని న‌మ్మ‌డం లేద‌ని, ఇటీవ‌ల జ‌రిగిన ఈశాన్య రాష్ట్రాల ఎన్నిక‌ల్లో కోలుకోలేని షాక్ ఇచ్చార‌ని ఎద్దేవా చేశారు సీఎం. ఇక‌నైనా మ‌న‌సు మార్చు కోవాల‌న్నారు. ఈ పెగాస‌స్ స్పైవేర్ అనేది రాహుల్ గాంధీ మైండ్ లో మాత్ర‌మే ఉందని కానీ ఆయ‌న వాడుతున్న ఫోన్ లో లేద‌న్నారు శివ రాజ్ సింగ్ చౌహాన్. ప్ర‌తిప‌క్ష నాయ‌కుడిపై తాము నిఘా పెట్టాల్సినంత అవ‌స‌రం ఏమొచ్చింద‌ని ప్ర‌శ్నించారు సీఎం(CM Chouhan).

Also Read : లైసెన్స్ ర‌ద్ద‌యినా అక్ర‌మ మైనింగ్