Alia Bhatt RRR Oscar : ఇది గ‌ర్వించ ద‌గిన క్ష‌ణం – ఆలియా
ఆనందం వ్య‌క్తం చేసిన అజ‌య్ దేవ‌గ‌ణ్
Alia Bhatt RRR Oscar : విశ్వ వేదిక‌పై ఆస్కార్ అవార్డును స్వంతం చేసుకున్న జ‌క్క‌న్న ఆర్ఆర్ఆర్ పై ప్ర‌శంస‌ల జ‌ల్లులు కురుస్తున్నాయి. ఇప్ప‌టికే వివిధ రంగాల‌కు చెందిన వారు ఆకాశానికి ఎత్తేస్తున్నారు. దేశ ప్ర‌ధాన మంత్రి మోదీ, ఏఐసీసీ చీఫ్ మ‌ల్లికార్జున్ ఖ‌ర్గే, విదేశాంగ శాఖ మంత్రి సుబ్ర‌మ‌ణ్యం జై శంక‌ర్ , వ్యాపార‌వేత్త ఆనంద్ మ‌హీంద్రా సంతోషం వ్య‌క్తం చేశారు.
ఇదిలా ఉండ‌గా ద‌ర్శ‌క ధీరుడు తీసిన ఆర్ఆర్ఆర్ లో భాగం పంచుకున్నారు బాలీవుడ్ న‌టులు ఆలియా భ‌ట్(Alia Bhatt RRR Oscar) , అజ‌య్ దేవ‌గ‌ణ్. ఆర్ఆర్ఆర్ చిత్రానికి సంబంధించి నాటు నాటు సాంగ్ బెస్ట్ ఒరిజిన‌ల్ సాంగ్ కేట‌గిరీలో ఆస్కార్ ద‌క్కించుకుంది. ఈ సంద‌ర్బంగా చెప్ప‌లేనంత ఆనందంగా ఉంద‌ని పేర్కొన్నారు ఆలియా భ‌ట్ , అజ‌య్ దేవ‌గ‌ణ్.
ఆలియా భ‌ట్ జూనియ‌ర్ ఎన్టీఆర్, రామ్ చ‌ర‌ణ్ తో క‌లిసి ఓ పాట‌లో డ్యాన్స్ కూడా చేశారు. ఇది ఊహించ‌ని గౌర‌వం..ఆనంద‌క‌ర‌మైన స‌న్నివేశం అని సోష‌ల్ మీడియాలో స్ప‌ష్టం చేసింది. త‌న ఆనందాన్ని పంచుకుంది ఆలియా భ‌ట్. ఇక అజ‌య్ దేవ‌గ‌ణ్ అయితే ఇది గ‌ర్వించ‌ద‌గిన క్ష‌ణం అని పేర్కొన్నారు.
ఇక ఆస్కార్ వేదిక‌పై బాలీవుడ్ న‌టి దీపికా ప‌దుకొణే నాటు నాటు సాంగ్ గురించి ప‌రిచ‌యం చేశారు. ఈ సంద‌ర్భంగా ఆమె గురించి ప్ర‌త్యేకంగా ప్ర‌స్తావించారు ఆలియా భ‌ట్(Alia Bhatt). ఓహ్ ..ఎంత అద్భుత‌మైన అందం నీది అంటూ కితాబు ఇచ్చారు. ప్ర‌త్య‌క్షంగా ప్ర‌ద‌ర్శించిన రాహుల్ సిప్లిగంజ్ , కాల భైర‌వ‌ను అభినందించారు. యావ‌త్ భార‌త‌మంతా సంబురాల్లో మునిగి పోయింది.
Also Read : అద్భుతం ‘ఆమె’కు ద‌క్కిన గౌర‌వం