Modi Modi Song : ‘మోడీ మోడీ’గా మారి పోయిన ‘నాటు నాటు’
క‌ర్ణాట‌క ఎన్నిక‌ల ప్ర‌చారంలో బీజేపీ ప్ర‌చార అస్త్రం
Modi Modi Song : ద‌ర్శ‌క ధీరుడు ఎస్ఎస్ రాజ‌మౌళి ద‌ర్శ‌క‌త్వం వ‌హించిన ఆర్ఆర్ఆర్ మూవీ ప్ర‌పంచ వ్యాప్తంగా పేరు పొందింది. ఇందులో చంద్ర‌బోస్ రాసి, కీర‌వాణి సంగీతం అందించిన నాటు నాటు సాంగ్ కు యావ‌త్ లోకం ఫిదా అయ్యింది. అంతే కాదు ఆస్కార్ అవార్డు కూడా వ‌రించింది. ఇక ఏ మాత్రం పాపుల‌ర్ అయినా దానిని త‌మ‌కు అనుకూలంగా మ‌ల్చుకోవ‌డంలో భార‌తీయ జ‌న‌తా పార్టీ ముందుంజ‌లో ఉంటుంది.
స‌రిగ్గా నాటు నాటు సాంగ్ ను ఇప్పుడు మోదీ మోదీగా(Modi Modi Song) మార్చేశారు. ఇందుకు సంబంధించిన వీడియో ఇప్పుడు హ‌ల్ చ‌ల్ చేస్తోంది. క‌ర్ణాట‌క‌లో వ‌చ్చే నెల 10వ తేదీన అసెంబ్లీ ఎన్నిక‌లు జ‌ర‌గ‌నున్నాయి. 13న ఫ‌లితాలు వ‌స్తాయి. ఇప్ప‌టికింకా బీజేపీ అభ్యర్థులను ప్ర‌క‌టించ లేదు.
కాంగ్రెస్ పార్టీ 142 మంది అభ్యర్థులను డిక్లేర్ చేసింది. ఈసారి ఎన్నిక‌లు ప్ర‌ధానంగా అధికారంలో ఉన్న బీజేపీకి ప్ర‌తిప‌క్షంలోని కాంగ్రెస్ పార్టీకి మ‌ధ్యే ఉండ‌నుంది. ఈ రెండు పార్టీలతో పాటు ఆప్ , ఎంఐఎం, జేడీఎస్ కూడా బ‌రిలో నిల‌వ‌నున్నాయి.
ఇదిలా ఉండ‌గా ఎన్నిక‌ల ప్ర‌చారంలో ప్ర‌జ‌ల‌ను ఆక‌ర్షించేందుకు బీజేపీ ఏకంగా నాటు నాటు సాంగ్ ను మోదీ మోదీ పేరుతో రీమిక్స్ చేసి విడుద‌ల చేసింది. ఇందుకు సంబంధించిన వీడియో ఇప్పుడు నెట్టింట్లో హ‌ల్ చ‌ల్ చేస్తోంది. ఎంతైనా మోదీ త‌ర్వాతే ఎవ‌రైనా క‌దూ. ఇందులో ప్రభుత్వ ప‌థ‌కాలు , సంక్షేమ ప‌థ‌కాల‌ను చేర్చారు. శివ‌మొగ్గ ఎయిర్ పోర్ట్ , బెంగ‌ళూరు మైసూర్ ఎక్స్ ప్రెస్ వే, మెట్రో లైన్ లు ఉన్నాయి.
Also Read : మూడోసారి మోదీ ప్ర‌ధాని కావ‌డం ఖాయం