AP Govt Announce : ఏపీలో 14 నుంచి ద‌స‌రా సెల‌వులు
24 వరకు ప్ర‌క‌టించిన రాష్ట్ర స‌ర్కార్
AP Govt Announce : అమ‌రావ‌తి – ఆంధ్ర‌ప్ర‌దేశ్(Andhra Pradesh) ప్ర‌భుత్వం కీల‌క ప్ర‌క‌ట‌న చేసింది. ఆంధ్ర ప్ర‌జ‌లు ఎక్కువ‌గా జ‌రుపుకునే పండ‌గ ద‌స‌రా. ఈ మేర‌కు పండును పుర‌స్క‌రించుకుని స‌ర్కార్ అక్టోబ‌ర్ 14 నుంచి 24 వరకు విద్యా సంస్థ‌ల‌కు సెల‌వులు ప్ర‌క‌టించింది.
ఇందులో భాగంగా రాష్ట్రంలో ఈ నెల 3 నుంచి 6 వరకు పాఠశాల విద్యాశాఖ ఫార్మేటివ్‌ అసెస్‌మెంట్‌ (ఎఫ్‌ఏ)–2 పరీక్షలు నిర్వహించనుంది. అన్ని యాజమాన్యాల ప్రాథమికోన్నత, ఉన్నత పాఠశాలల్లో 6 నుంచి 10వ తరగతి విద్యార్థులకు నిర్దేశించిన సిలబస్‌ ప్రకారం పరీక్షలు నిర్వహిస్తారు.
AP Govt Announce Dussehra Holidays
ఉమ్మడి ప్రశ్నాపత్రం ఆధారంగా పాత పద్ధతిలోనే పరీక్షలు జరుగుతాయి. ప్రశ్నాపత్రాలను పరీక్ష జరిగే రోజు మండల విద్యాశాఖాధికారులు, ప్రధానోపాధ్యాయులకు పంపిస్తారు. పరీక్షకు గంట ముందు ఆయా పాఠశాలల హెచ్‌ఎంలకు ప్రశ్నా పత్రాలు పంపాలని ఇప్పటికే ఎంఈవోలకు ఉన్నతాధికారులు ఆదేశాలు జారీ చేశారు.
9, 10 తరగతుల విద్యార్థులకు రోజుకు రెండు పరీక్షలు ఉదయం, 6, 7, 8 తరగతుల విద్యార్థులకు మద్యాహ్నం పరీక్షలు ఉంటాయి. ఒకటి నుంచి 5వ తరగతుల విద్యార్థులకు ఉదయం ఒకటి, మధ్యాహ్నం మరొక పరీక్ష నిర్వహిస్తారు. 10వ తేదీలోగా సమాధాన పత్రాలను మూల్యాంకనం చేసి విద్యార్ధులకు అందిస్తారు.
అలాగే ఆన్‌లైన్‌ పోర్టల్‌లోనూ మార్కులు నమోదు చేయాలని విద్యాశాఖ ఆదేశాలు జారీ చేసింది. ఈ నెల 10న విద్యార్థుల తల్లిదండ్రులతో సమావేశం నిర్వహించి విద్యార్థుల ప్రగతిని తెలియ జేయాలని సూచించింది.
Also Read : Minister KTR : మోసానికి చిరునామా మోదీ – కేటీఆర్