Nara Lokesh : అంగ‌న్ వాడీల‌పై ఉక్కు పాదం త‌గ‌దు

Nara Lokesh : అమ‌రావ‌తి – త‌మ న్యాయ ప‌ర‌మైన డిమాండ్ల సాధ‌న కోసం న్యాయ బ‌ద్దంగా పోరాటం చేస్తున్న అంగ‌న్ వాడీల‌పై జ‌గ‌న్ స‌ర్కార్ ఉక్కు పాదం మోపడం దారుణ‌మ‌న్నారు టీడీపీ జాతీయ ప్ర‌ధాన కార్య‌ద‌ర్శి నారా లోకేష్. బుధ‌వారం ఆయ‌న మీడియాతో మాట్లాడారు. ఇది ఎంత మాత్రం మంచి ప‌ద్ద‌తి కాద‌న్నారు. సైకో జ‌గ‌న్ రెడ్డి నిర్వాకం కార‌ణంగా వారంతా రోడ్ల‌పైకి వ‌చ్చార‌ని మండిప‌డ్డారు.

Nara Lokesh Comment

త‌మ ప్ర‌భుత్వం రాగానే వారి న్యాయ ప‌ర‌మైన డిమాండ్ల‌ను ప‌రిష్క‌రించేందుకు ప్ర‌య‌త్నం చేస్తామ‌ని హామీ ఇచ్చారు. ఉద్యోగ భ‌ద్ర‌త క‌ల్పించాల‌ని, వేత‌నాలు పెంచాల‌ని కోరార‌ని , అలాంటి వారి ప‌ట్ల అత్యంత అమానుషంగా దాడుల‌కు దిగితే ఎలా అని నిల‌దీశారు నారా లోకేష్(Nara Lokesh). ఇక‌నైనా స‌ర్కార్ మారాల‌ని లేక పోతే తీవ్ర ప‌రిణామాలు ఎదుర్కోవాల్సి వ‌స్తుంద‌ని హెచ్చ‌రించారు.

నెల్లూరు జిల్లా సంగం మండ‌లం త‌రుణ వాయికి చెందిన అంగ‌న్ వాడీ కార్య‌క‌ర్త వ‌న‌మ్మ దారిలోనే ప్రాణాలు కోల్పోవ‌డం ప‌ట్ల తీవ్ర ఆవేద‌న వ్య‌క్తం చేశారు నారా లోకేష్. ఈ సంద‌ర్భంగా ఆమె ఆత్మ‌కు శాంతి చేకూరాల‌ని ప్రార్థిస్తున్న‌ట్లు తెలిపారు.

జ‌గ‌న్ రెడ్డి ఒంటెద్దు పాల‌న‌తో జ‌నం విసిగి పోయార‌ని ధ్వ‌జ‌మెత్తారు. ఇంకా కొన్ని నెల‌లు ఆగితే జ‌గ‌న్ ప్ర‌భుత్వం కూలి పోతుంద‌న్నారు నారా లోకేష్‌.

Also Read : Revanth Reddy Slams : దొర నిండా ముంచిండు