Mega DSC: మెగా డీఎస్సీ-2025 నోటిఫికేషన్‌ ను విడుదల చేసిన ఏపీ ప్రభుత్వం

Mega DSC : మెగా డీఎస్సీ కోసం ఆశగా ఎదురు చూస్తున్న నిరుద్యోగులకు ఏపీ ప్రభుత్వం గుడ్ న్యూస్ తెలిపింది. ముఖ్యమంత్రి చంద్రబాబు 75వ పుట్టిన రోజు సందర్భంగా ఆదివారం ఉదయం 10 గంటలకు మెగా డీఎస్సీ-2025 నోటిఫికేషన్‌ ను పాఠశాల విద్యాశాఖ విడుదల చేసింది. రాష్ట్రవ్యాప్తంగా 16,347 ఉపాధ్యాయ ఉద్యోగాలను ప్రభుత్వం ఈ నోటిఫికేషన్ ద్వారా భర్తీ చేయనుంది. మెగా డీఎస్సీ(Mega DSC) షెడ్యూల్‌ ను విద్య, ఐటీ శాఖల మంత్రి నారా లోకేశ్‌ శనివారం ‘ఎక్స్‌’ ద్వారా విడుదల చేశారు. మెగా డీఎస్సీకి సంబంధించిన పూర్తి సమాచారం, సంబంధిత జీవోలు, ఉపాధ్యాయ పోస్టుల వివరాలు, పరీక్షా షెడ్యూలు, సిలబస్, సహాయ కేంద్రాల వివరాలు పాఠశాల విద్యాశాఖ వెబ్‌సైట్‌లో ఆదివారం ఉదయం 10 గంటల నుంచి అందుబాటులో ఉంచినట్లు డైరెక్టర్‌ విజయరామరాజు తెలిపారు.

Mega DSC Notification

కూటమి ప్రభుత్వం అధికారంలోకి వచ్చిన తర్వాత మెగా డీఎస్సీ(Mega DSC) ఫైలుపైనే ముఖ్క్ష్యమంత్రి నారా చంద్రబాబు నాయడు తొలి సంతకం చేసినప్పటికీ… ఎన్నికల కోడ్ మరియు ఎస్సీ వర్గీకరణ కారణంగా ఈ నోటిఫికేషన్ పలుమార్లు వాయిదా వేసిన విషయం తెలిసిందే. ఈక్రమంలో ఇవాళ చంద్రబాబు 75వ జన్మదినోత్సవం సందర్భంగా డీఎస్సీ అభ్యర్థులకు ఈ తీపి కబురు చెప్పింది. దానిలో భాగంగా ఏపీ విద్యాశాఖ మంత్రి నారా లోకేష్(Nara Lokesh) మెగా డీఎస్సీ నోటిఫికేషన్ విడుదల చేశారు. ఈ సందర్భంగా మంత్రి నారా లోకేష్ మీడియాతో మాట్లాడుతూ… మెగా డీఎస్సీ నోటిఫికేషన్ విడుదల ద్వారా మరో ఎన్నికల హామీని నిలబెట్టుకున్నామన్నారు. 16,347 ఉపాధ్యాయ పోస్టుల భర్తీకి సంబంధించి ఈ నోటిఫికేషన్ విడుదల చేశామని ప్రకటించారు. ప్రభుత్వ జిల్లా పరిషత్, మండల పరిషత్, మున్సిపల్ పాఠశాలల్లో ఖాళీగా ఉన్న సుమారు 13,192 పోస్టులు భర్తీ చేయనున్నట్లు పేర్కొన్నారు. ఎస్జీటీ , స్కూల్ అసిస్టెంట్‌తో పాటు 52 ప్రిన్సిపాల్, 273 పీజీటీ, 1718 టీజీటీ పోస్టులను రాష్ట్ర, జోన్ స్థాయి కోటాలో భర్తీ చేయనున్నాట్లు ప్రకటించారు.

మెగా డీఎస్సీ-2025 షెడ్యూల్‌ ఇదే

ఏప్రిల్‌ 20- మే 15: ఆన్‌లైన్‌ ద్వారా ఫీజుల చెల్లింపు, దరఖాస్తుల స్వీకరణ

మే 20 నుంచి: నమూనా పరీక్షలు

మే 30 నుంచి: హాల్‌ టికెట్ల డౌన్‌ లోడ్‌

జూన్‌ 6 నుంచి జులై 6 వరకు: పరీక్షలు

ప్రాథమిక ‘కీ’ విడుదల: అన్ని పరీక్షలు పూర్తయిన రెండో రోజున ప్రాథమిక ‘కీ’ విడుదల
అభ్యంతరాల స్వీకరణ గడువు: ప్రాథమిక ‘కీ’ విడుదల తర్వాత ఏడు రోజులపాటు అభ్యంతరాల స్వీకరణ
తుది ‘కీ’ విడుదల: అభ్యంతరాల స్వీకరణ గడువు ముగిసిన ఏడు రోజుల తర్వాత తుది ‘కీ’ విడుదల
మెరిట్‌ జాబితా ప్రకటన: తుది ‘కీ’ విడుదల తర్వాత వారం రోజులకు మెరిట్‌ జాబితా ప్రకటన

ఎలా దరఖాస్తు చేసుకోవాలంటే ?

అభ్యర్థులు ఆన్‌లైన్‌లో దరఖాస్తు చేసుకునేందుకు అన్ని వివరాలు cse.ap.gov.in, apdsc.apcfss.in లో పొందుపరిచామని చెప్పారు. అప్లై చేసుకోవాలని భావించే అభ్యర్ధులు ఏప్రిల్ 20వ తేదీ నుంచి మే 15వ తేదీ వరకు ఆన్‌లైన్ ద్వారా దరఖాస్తు చేసుకోవచ్చని అన్నారు. జూన్ 6వ తేదీ నుంచి జూలై 6వ తేదీ వరకు సీబీటీ విధానంలో ఈ పరీక్షలు జరుగనున్నాయని తెలిపారు. మెగా డీఎస్సీ -2025 పరీక్షకు సంబంధించిన పూర్తి సమాచారం, ఉపాధ్యాయ పోస్టుల వివరాలు, పరీక్షా షెడ్యూలు, సిలబస్, నోటిఫికేషన్, హెల్ప్‌డెస్క్ వివరాలు సంబంధిత వెబ్‌సెట్‌లో అందుబాటులో ఉంటాయని లోకేష్ స్పష్టం చేశారు. ఈ సందర్భంగా డీఎస్సీ అభ్యర్థులందరికీ మంత్రి నారా లోకేష్ హృదయపూర్వక శుభాకాంక్షలు తెలిపారు. దరఖాస్తు ప్రక్రియ సజావుగా సాగడానికి మంత్రి నారా లోకేష్ వీడియో విడుదల చేశారు.

Also Read : CM Revanth Reddy: తెలంగాణ యువతకు జపాన్‌లో ఉద్యోగావకాశాలు – సీఎం రేవంత్‌ రెడ్డి