Shatrughan Sinha : అద్భుతం చేయ‌బోతున్న విప‌క్షాల కూట‌మి
సంచ‌ల‌న కామెంట్స్ చేసిన శ‌త్రుఘ్న సిన్హా
Shatrughan Sinha : తృణ‌మూల్ కాంగ్రెస్ పార్టీ (టీఎంసీ) ఎంపీ శ‌త్రుఘ్న సిన్హా సంచ‌ల‌న వ్యాఖ్య‌లు చేశారు. ఆయ‌న ప్రతిపక్షాల ఐక్య‌త పై ఆస‌క్తిక‌ర వ్యాఖ్య‌లు చేశారు. 2024లో జ‌రగ‌బోయే సార్వ‌త్రిక ఎన్నిక‌ల్లో అద్బుతం చేయబోవ‌డం ఖాయ‌మ‌ని జోష్యం చెప్పారు. శ‌నివారం ఆయ‌న మీడియాతో మాట్లాడారు. ఈ సంద‌ర్బంగా శ‌త్రుఘ్న సిన్హా జేడీయూ చీఫ్, బీహార్ సీఎం నితీశ్ కుమార్ చేస్తున్న ప్ర‌య‌త్నాల‌ను ప్ర‌శంసించారు. గ‌త కొన్ని రోజుల నుంచి విస్తృతంగా బీజేపీకి ప్ర‌త్యామ్నాయంగా నిలిచేలా చేయ‌డం అభినంద‌నీయ‌మ‌న్నారు.
ఇదిలా ఉండ‌గా అన్ని పార్టీలు జూన్ 23న స‌మావేశం కానున్నాయి. ఈ సంద‌ర్బంగా కీల‌క వ్యాఖ్య‌లు చేశారు. పాట్నా ప‌ర్య‌ట‌న‌లో ఉన్న ఆయ‌న చేసిన వ్యాఖ్య‌లు ఇప్పుడు క‌ల‌క‌లం రేపుతున్నాయి. త‌మ పార్టీ చీఫ్ , ప‌శ్చిమ బెంగాల్ సీఎం మ‌మ‌తా బెన‌ర్జీ హాజ‌రయ్యేందుకు సుముఖ‌త వ్య‌క్తం చేయ‌డం ప‌ట్ల ఆనందం వ్య‌క్తం చేశారు. ఇవాళ భార‌తీయ జ‌న‌తా పార్టీ ఆక్టోప‌స్ లాగా విస్త‌రించింద‌ని దానిని ఎదుర్కోవాలంటే ప్ర‌తిప‌క్షాలు ఏకం కావాల్సిన అవ‌స‌రం ఉంద‌న్నారు శ‌త్రుఘ్న సిన్హా(Shatrughan Sinha).
అయితే మ‌మ‌తా బెన‌ర్జీ గేమ్ ఛేంజ‌ర్ కాబోతోంద‌ని జోష్యం చెప్పారు. భార‌త్ జోడో యాత్ర త‌ర్వాత విరోచిత స్థాయిని సంపాదించిన రాహుల్ గాంధీతో జ‌త క‌ట్ట‌డం శుభ ప‌రిణామ‌మ‌ని పేర్కొన్నారు. ఇదిలా ఉండ‌గా ప్ర‌స్తుతం టీఎంసీ ఎంపీ శ‌త్రుఘ్న సిన్హా చేసిన కామెంట్స్ క‌ల‌క‌లం రేపుతున్నాయి. ఇప్ప‌టికే కాంగ్రెస్ పార్టీ హిమాచ‌ల్ ప్ర‌దేశ్ లో , క‌ర్ణాట‌క‌లో గెలుపొందింద‌ని త్వ‌ర‌లో జ‌రిగే ఎన్నిక‌ల్లో కూడా ప్రతిపక్షాల కూట‌మి విజ‌యం సాధించ‌డం ఖాయ‌మ‌న్నారు.
Also Read : Wrestlers Slams : ఆసియా క్రీడ‌ల‌ను బ‌హిష్క‌రిస్తాం – రెజ్ల‌ర్లు