AP CM YS Jagan : చంద్ర‌బాబు జీవితం అవినీతిమ‌యం
ఏపీ సీఎం జ‌గ‌న్ మోహ‌న్ రెడ్డి కామెంట్
AP CM YS Jagan : ఆంధ్ర‌ప్ర‌దేశ్ – టీడీపీ చీఫ్ నారా చంద్ర‌బాబు నాయుడు జీవిత‌మంతా అవినీతిమ‌యం త‌ప్ప ఇంకేమీ లేద‌న్నారు ఏపీ సీఎం జ‌గ‌న్ మోహ‌న్ రెడ్డి. ఆయ‌న‌పై తీవ్ర స్థాయిలో నిప్పులు చెరిగారు. ఏనాడైనా ప్ర‌జ‌ల గురించి ఆలోచించాడా అని ప్ర‌శ్నించారు. జ‌నం గురించి కంటే త‌న బాగోగుల గురించి ఎక్కువ‌గా ఫోక‌స్ పెట్టాడ‌ని అందుకే ఇప్ప‌టికే 8 కేసుల‌కు పైగా న‌మోదు చేశారంటూ మండిప‌డ్డారు.
AP CM YS Jagan Comments on Chandrababu
జ‌నం ఆయ‌న చెప్పే మాట‌ల‌ను వినే స్థితిలో లేర‌న్నారు. ఇవాళ దేశంలో ఎక్క‌డా లేని రీతిలో అన్ని వ‌ర్గాల‌కు సంక్షేమ ప‌థ‌కాల‌ను అంద‌జేస్తున్న ఘ‌న‌త త‌మ స‌ర్కార్ దేన‌ని స్ప‌ష్టం చేశారు ఏపీ సీఎం. బాబు ఇన్నేళ్ల కాలంలో అందినంత మేర దోచుకున్నాడ‌ని, దానిని బినామీల పేరుతో దాచుకున్నాడ‌ని ఇప్పుడు ఏపీ స్కిల్ స్కాం కేసులో అడ్డంగా దొరికి పోయాడంటూ ధ్వ‌జ‌మెత్తారు జ‌గ‌న్ రెడ్డి(AP CM YS Jagan).
అందుకే ఏపీ సీఐడీ కేసులు న‌మోదు చేసింద‌న్నారు. ఆధారాలు లేకుండా ఎవ‌రినీ అదుపులోకి తీసుకోర‌న్న విష‌యం తెలుసుకుంటే బెట‌ర్ అని సూచించారు. ఎన్ని జిమ్మిక్కులు చేసినా ఇంకెన్ని కుట్ర‌లు ప‌న్నినా టీడీపీ, జ‌న‌సేన పార్టీల‌కు ఒక్క సీటు కూడా రాద‌న్నారు. అంత‌కు ముందు అసైన్డ్ భూముల‌కు సంబంధించి ప‌ట్టాలు పంపిణీ చేశారు.
Also Read : CM KCR : కులం..మ‌తంతో రాజ‌కీయం త‌గ‌దు