RK Roja : తెర మీదే కాదు తెర వెనుక కూడా న‌టుడే
ఏపీ మంత్రి ఆర్కే రోజా సెల్వ‌మ‌ణి
RK Roja : ఏపీ ప‌ర్యాట‌క, సాంస్కృతిక శాఖా మంత్రి ఆర్కే రోజా సెల్వ‌మ‌ణి(RK Roja) ఆస‌క్తిక‌ర వ్యాఖ్య‌లు చేశారు. తాజాగా మంత్రి ట్విట్ట‌ర్ వేదిక‌గా స్పందించింది. సూప‌ర్ స్టార్ గా పేరు పొందిన ర‌జ‌నీ కాంత్ పై నిప్పులు చెరిగారు. న‌టుడిగా ఆయ‌నంటే త‌న‌కు గౌర‌వం ఉంద‌ని కానీ రాజ‌కీయాల గురించి మాట్లాడ‌టం తలైవాకు త‌గ‌ద‌ని పేర్కొన్నారు.
ఎన్టీఆర్ శ‌త జ‌యంతి ఉత్స‌వాల్లో దివంగ‌త న‌టుడు, మాజీ సీఎం నంద‌మూరి తార‌క రామారావు గురించి యుగ పురుషుడ‌ని కొనియాడార‌ని, అది ర‌జ‌నీకాంత్ వ్య‌క్తిగ‌త అభిప్రాయ‌మ‌ని అన్నారు ఆర్కే రోజా సెల్వ‌మ‌ణి. కానీ మామ‌కు వెన్ను పోటు పొడిచి అక్ర‌మంగా అధికారంలోకి వ‌చ్చిన టీడీపీ చీఫ్ నారా చంద్ర‌బాబు నాయుడిని ప్ర‌జ‌లు ఎలా మ‌రిచి పోతార‌ని ప్ర‌శ్నించారు.
ఎన్టీఆర్ స‌భ‌కు వ‌చ్చి నిత్యం అబ‌ద్దాలు చెబుతూ , మాయ మాట‌ల‌తో జ‌నాన్ని బురిడీ కొట్టించే చంద్ర‌బాబును ప్ర‌శంస‌ల‌తో కురిపించ‌డం ఎంత వ‌ర‌కు స‌బ‌బు అని ప్ర‌శ్నించారు ఆర్కే రోజా సెల్వ‌మ‌ణి(RK Roja). ఇది త‌న స్థాయికి త‌గ‌ద‌న్నారు. ఏదైనా ఉంటే త‌మిళ‌నాడులో చూసుకోవాల‌ని, ఏపీ పాలిటిక్స్ లో వేలు పెట్ట‌డం ఎందుక‌ని నిల‌దీశారు ఆర్కే రోజా సెల్వ‌మ‌ణి.
ర‌జ‌నీకాంత్ తెర పైన న‌టుడే కాద‌ని తెర వెనుక కూడా న‌టించ‌డం నేర్చుకున్నాడ‌ని ఈ వ్యాఖ్య‌ల‌తో త‌మ‌కు అర్థ‌మైంద‌న్నారు. ఇక‌నైనా తలైవా మాట్లాడే ముందు వెనుకా ముందు ఆలోచించి మాట్లాడాల‌ని మంత్రి ఆర్కే రోజా సెల్వ‌మ‌ణి హిత‌వు ప‌లికారు.
Also Read : స‌చివాల‌యం స‌రే స‌మ‌స్య‌ల మాటేంటి