Atchennaidu : పోలేప‌ల్లిలో యువ గ‌ళం న‌వ శ‌కం
కింజార‌పు అచ్చెన్నాయుడు
Atchennaidu : గుంటూరు – ఆంధ్ర‌ప్ర‌దేశ్ తెలుగుదేశం పార్టీ చీఫ్ కింజార‌పు అచ్చెన్నాయుడు కీల‌క వ్యాఖ్య‌లు చేశారు. రాష్ట్రంలో గ‌తంలో ఎన్న‌డూ లేని రీతిలో త‌మ పార్టీ జాతీయ కార్య‌ద‌ర్శి నారా లోకేష్ బాబు చేప‌ట్టిన యువ గ‌ళం పాద‌యాత్ర అద్భుతంగా కొన‌సాగింద‌న్నారు. ఎక్క‌డికి వెళ్లినా జ‌నం అద్భుత‌మైన రీతిలో ఆద‌రిస్తున్నార‌ని , జ‌గ‌న్ పాల‌న‌పై ధ్వ‌జ‌మెత్తుతున్నార‌ని అన్నారు.
Atchennaidu Comment about Yuva Galam
యువ గ‌ళం పాద‌యాత్ర ముగింపు స‌భ‌ను న‌భూతో న‌భ‌విష్య‌త్ అన్న రీతిలో నిర్వ‌హిస్తామ‌ని స్ప‌ష్టం చేశారు ఏపీ టీడీపీ చీఫ్. మీడియాతో ఆయ‌న మాట్లాడారు. యువ‌త ఆశ‌యాల‌కు అద్దం ప‌ట్టేలా ప్ర‌జా గ‌ళంగా మారుద్దామ‌ని పిలుపునిచ్చారు.
ఒక్క అడుగుతో మొద‌లై యువ‌త ఆకాంక్ష‌ల‌కు , ఆశ‌యాల‌కు నిలువుట‌ద్దంగా నారా లోకేష్ చేప‌ట్టిన పాద‌యాత్ర అద్దం ప‌ట్టింద‌న్నారు కింజార‌పు అచ్చెన్నాయుడు. 226 రోజుల పాటు ప్ర‌జ‌ల‌కు భ‌రోసా క‌ల్పిస్తూ 3,132 కిలోమీట‌ర్లు విజ‌య‌వంతంగా సాగింద‌ని చెప్పారు.
ఈ సంద‌ర్భంగా విజ‌య‌న‌గ‌రం జిల్లా పోలేప‌ల్లిలో విజ‌యోత్స‌వ బహిరంగ స‌భ‌ను నిర్వ‌హించ‌నున్న‌ట్లు స్ప‌ష్టం చేశారు కింజార‌పు అచ్చెన్నాయుడు.
Also Read : RK Roja Selvamani : సీఎం మాటే శిరోధార్యం