Balakrishna : మా బావ అరెస్ట్ అక్రమం – బాల‌య్య
సంచ‌ల‌న కామెంట్స్ చేసిన న‌టుడు
Balakrishna : విజ‌య‌వాడ – ప్ర‌ముఖ న‌టుడు, హిందూపురం టీడీపీ ఎమ్మెల్యే నంద‌మూరి బాల‌కృష్ణ సంచ‌ల‌న వ్యాఖ్య‌లు చేశారు. ఏపీ స్కిల్ డెవ‌ల‌ప్మెంట్ కార్పొరేష‌న్ స్కీం స్కామ్ కు సంబంధించి ఏపీ సీఐడీ నారా చంద్ర‌బాబు నాయుడును అరెస్ట్ చేసింది. కోర్టులో వాదోప‌వాద‌న‌లు ముగిశాక జ‌డ్జి చంద్ర‌బాబుకు 14 రోజుల రిమాండ్ విధించింది. ఆయ‌న‌కు బెయిల్ ఇచ్చే ఛాన్స్ లేద‌ని స్ప‌ష్టం చేసింది కోర్టు.
Balakrishna Comments Viral
ఈ సంద‌ర్బంగా చంద్ర‌బాబు అరెస్ట్ పై స్పందించారు నంద‌మూరి బాల‌కృష్ణ(Balakrishna). మంగ‌ళ‌వారం మీడియాతో మాట్లాడారు. ఏపీ సీఎం జ‌గ‌న్ మోహ‌న్ రెడ్డిపై నిప్పులు చెరిగారు. ఇది కేవ‌లం క‌క్ష సాధింపు చ‌ర్య త‌ప్ప మ‌రొక‌టి లేద‌న్నారు. రాజ‌కీయ ప‌రంగా చంద్ర‌బాబును దెబ్బ కొట్టాల‌ని అనుకున్నాడ‌ని ఆరోపించారు.
ఒక ర‌కంగా చెప్పాలంటే ఇది పిల్ల‌చేష్ట‌గా ఉంద‌న్నారు. తన బావ చంద్ర‌బాబు నాయుడును అరెస్ట్ చేయ‌డం అక్ర‌మ‌మ‌ని అన్నారు నంద‌మూరి బాల‌కృష్ణ. అంతా ప‌కడ్బందీగానే ఈ స్కీంను అమ‌లు చేయ‌డం జ‌రిగింద‌న్నారు. ఏపీ స్కిల్ డెవ‌ల‌ప్మెంట్ కార్పొరేష‌న్ ద్వారా 2,60,000 మందికి శిక్ష‌ణ ఇప్పించ‌డం జ‌రిగింద‌ని చెప్పారు.
వేలాది మందికి ఉద్యోగ అవ‌కాశాలు క‌ల్పించామ‌న్నారు. డిజైన్ టెక్ కంపెనీకి బాగా చేశారంటూ కితాబు ఇచ్చార‌ని తెలిపారు. కావాల‌ని ఇరికించే ప్ర‌య‌త్నం చేశార‌ని ధ్వ‌జ‌మెత్తారు బాల‌కృష్ణ.
Also Read : Telangana High Court : మెడిక‌ల్ సీట్ల‌పై హైకోర్టు తీర్పు