Bhatti Vikramarka : సంప‌ద‌ను దోచుకున్న దొర కేసీఆర్
నిప్పులు చెరిగిన మ‌ల్లు భ‌ట్టి విక్ర‌మార్క
Bhatti Vikramarka : మ‌ధిర – రాష్ట్ర సంప‌ద‌ను అందినంత మేర దోచుకున్నాడ‌ని , దానిని దాచుకునేందుకు ప్ర‌స్తుతం ప్ర‌య‌త్నం చేస్తున్నాడంటూ సీఎల్పీ నేత, ప్ర‌స్తుతం మ‌ధిర నియోజ‌క‌వ‌ర్గంలో ఎమ్మెల్యేగా బ‌రిలో ఉన్న మ‌ల్లు భ‌ట్టి విక్ర‌మార్క(Bhatti Vikramarka) ఆరోపించారు. శుక్ర‌వారం ఆయ‌న మీడియాతో మాట్లాడారు. తాను మ‌ధిర‌ను అన్ని రంగాల‌లో అభివృద్ది చేశాన‌ని స్ప‌ష్టం చేశారు.
Bhatti Vikramarka Shocking Comments on KCR
ఎవ‌రు ప్ర‌జ‌ల మ‌ధ్య ఉన్నారో ఇక్క‌డి ప్ర‌జ‌ల‌కు తెలుస‌న్నారు. కేవ‌లం అధికారం ఉంద‌న్న ధీమాతో, అహంకారంతో ఫామ్ హౌస్ కే ప‌రిమిత‌మైన చ‌రిత్ర కేసీఆర్ ది అని ఆగ్ర‌హం వ్య‌క్తం చేశారు.
ఆరు నూరైనా ఈసారి ప్ర‌జ‌లు త‌గిన రీతిలో గుణ‌పాఠం చెప్ప బోతున్నార‌ని జోష్యం చెప్పారు. ఖ‌మ్మం జిల్లాతో పాటు తెలంగాణ రాష్ట్ర వ్యాప్తంగా కాంగ్రెస్ హ‌వాకు బీఆర్ఎస్ కొట్టుకు పోవ‌డం ఖాయ‌మ‌ని అన్నారు మ‌ల్లు భ‌ట్టి విక్ర‌మార్క. కొత్త‌గూడెంలో కాంగ్రెస్ పార్టీ బ‌ల‌ప‌ర్చిన సీపీఐ అభ్య‌ర్థి కూనంనేని సాంబ‌శివ రావును గెల‌పించాల్సిన అవ‌స‌రం ఉంద‌న్నారు.
కూనం నేని ఓ ఎమ్మెల్యేగా కంటే ఓ సేవ‌కుడిగా కొత్త‌గూడెం కోసం ప‌ని చేశారంటూ కొనియాడారు. ఆయ‌న విజ‌యం ఇక్క‌డ అత్యంత ముఖ్య‌మ‌న్నారు. ఇవాళ కోరి తెచ్చుకున్న తెలంగాణ కొంద‌రికే ప‌రిమిత‌మై పోయింద‌ని ఆవేద‌న చెందారు.
Also Read : Rajnath Singh : క‌మ‌లం గెలుపు ఖాయం