Raghupati Bhatt : హైక‌మాండ్ పై బీజేపీ ఎమ్మెల్యే కన్నెర్ర
క‌న్నీటి ప‌ర్యంత‌మైన ర‌ఘుప‌తి భ‌ట్
Raghupati Bhatt : క‌ర్ణాట‌క‌లో బీజేపీ ప్ర‌క‌టించిన అభ్యర్థుల లిస్టు క‌ల‌క‌లం రేపుతోంది. ఉడిపి ఎమ్మెల్యే ర‌ఘుప‌తి భ‌ట్(Raghupati Bhatt) నిప్పులు చెరిగారు. బుధ‌వారం ఆయ‌న మీడియాతో మాట్లాడారు. క‌న్నీటి ప‌ర్యంతం అయ్యారు. అవ‌స‌రం ఉన్న‌ప్పుడు పార్టీ వాడుకుంద‌ని, ఇప్పుడు త‌న అవ‌స‌రం తీరి పోయాక ప‌క్క‌న పెట్టింద‌ని ఆరోపించారు.
పార్టీ త‌న ప‌ట్ల ప్ర‌వ‌ర్తించిన తీరుతో తాను క‌ల‌త చెందాన‌ని అన్నారు. ఇదిలా ఉండ‌గా ప్ర‌క‌టించిన జాబితాలో ఆయ‌న పేరు గ‌ల్లంత‌య్యింది. ఆయ‌న హైక‌మాండ్ పై నిప్పులు చెరిగారు. క‌నీసం త‌న‌ను సంప్ర‌దించ‌లేద‌ని ఆరోపించారు. ఎలాంటి స‌మాచారం లేకుండా ఎవ‌రి అభిప్రాయాల‌ను ప‌రిగ‌ణ‌లోకి తీసుకోకుండానే అభ్య‌ర్థుల‌ను ఖ‌రారు చేశార‌ని మండిప‌డ్డారు ర‌ఘుప‌తి భ‌ట్.
సిట్టింగ్ ఎమ్మెల్యేగా నా ప‌నితీరు ప‌ట్ల నాకు న‌మ్మ‌కం ఉంద‌న్నారు. ప్ర‌జ‌ల కోసం నిజాయితీగా ప‌ని చేశాన‌ని చెప్పారు. పీఎం మోదీ, ఇత‌ర సీనియ‌ర్ నాయ‌కుల ప‌ట్ల గౌర‌వం ఉంద‌న్నారు. కానీ త‌న‌ను పూర్తిగా ప‌క్క‌న పెట్ట‌డం బాధ క‌లిగించింద‌న్నారు. గ‌త 15 ఏళ్లుగా ఎమ్మెల్యేగా ఉన్న నేను పార్టీకి భారంగా మారానా అని ప్ర‌శ్నించారు. ఏ ఒక్క నాయ‌కుడు మా జిల్లా అధ్య‌క్షుడే కాద‌న్నారు. ఏ పార్టీలో చేర‌తాన‌నే విష‌యం ఇంకా చెప్ప‌లేన‌న్నారు ర‌ఘుప‌తి భ‌ట్(Raghupati Bhatt).
Also Read : మోదీపై యుద్దం దేశం కోసం పోరాటం