CM Jagan: సీఎం జగన్‌ ఇంట అంబరాన్ని అంటిన సంక్రాంతి సంబరాలు !

CM Jagan: ఏపి ముఖ్యమంత్రి వైఎస్ జగన్ ఇంట సంక్రాంతి సంబరాలు అంబరాన్ని అంటాయి. భోగి మంటలు, రంగుల రంగవల్లికలు, గొబ్బెమ్మలు, హరిదాసు కీర్తనలు, గంగిరెద్దుల విన్యాసాలతో తాడేపల్లిలో తెలుగుదనం వెల్లివిరిసింది. ప్రభుత్వ విప్‌, చంద్రగిరి ఎమ్మెల్యే చెవిరెడ్డి భాస్కరరెడ్డి పర్యవేక్షణలో నిర్వహించిన ఈ సంక్రాంతి వేడుకల్లో… సాంప్రదాయ దుస్తుల్లో సిఎం వైఎస్ జగన్… ఆయన సతీమణి భారతి కలిసి పాల్గొన్నారు.

CM Jagan Viral in Sankranti Festival

ఈ సందర్భంగా ఏర్పాటు చేసిన సాంప్రదాయ నృత్యాలు సంక్రాంతి సంబరాలకు ప్రత్యేక ఆకర్షణగా నిలిచాయి. తెలుగు సంస్కృతి సంప్రదాయాలు ప్రతిబింబించేలా నిర్వహించిన ఈ సంక్రాంతి వేడుకల్లో రైతులు, అధికారులు పెద్ద ఎత్తున పాల్గొన్నారు. సిఎం వైఎస్ జగన్-భారిత దంపతులు సంప్రదాయ దుస్తుల్లో భోగి మంటలు వేసి ఈ వేడుకలను ప్రారంభించారు. వేద పండితుల సమక్షంలో సిఎం దంపతులు గంగిరెద్దులకు, హరిదాసులకు సారెను సమర్పించారు. అనంతరం గోపూజ కార్యక్రమం నిర్వహించారు.

Also Read : Pawan and Babu in Bhogi: మందడం భోగి వేడుకల్లో చంద్రబాబు, పవన్‌ !