Dasoju Sravan : రేవంత్ బీజేపీకి కోవ‌ర్టు – దాసోజు
బీఆర్ఎస్ నేత సంచ‌ల‌న ఆరోప‌ణ‌లు
Dasoju Sravan : టీపీసీసీ చీఫ్ రేవంత్ రెడ్డిపై సంచ‌ల‌న ఆరోప‌ణ‌లు చేశారు బీఆర్ఎస్ నేత డాక్ట‌ర్ దాసోజు శ్ర‌వ‌ణ్ కుమార్. అమిత్ షా, మోదీని ప్ర‌సన్నం చేసుకునేందుకు ఆర్ఎస్ఎస్ ఫౌండ‌ర్ హెడ్గేవార్ గురించి ఎంతో ఉత్సాహంగా పార్ల‌మెంట్ లో ప్ర‌స్తావించార‌ని గుర్తు చేశారు.
Dasoju Sravan Slams Revanth Reddy
శ‌నివారం దాసోజు శ్ర‌వ‌ణ్(Dasoju Sravan) ట్విట్ట‌ర్ వేదిక‌గా స్పందించారు. రేవంత్ రెడ్డిది పూర్తిగా బ్లాక్ మెయిల్ రాజ‌కీయం త‌ప్ప మ‌రొక‌టి కాద‌న్నారు. ఇంకా ఎన్నాళ్లు ఇలా మోసం చేస్తావంటూ ప్ర‌శ్నించారు. రేవంత్ రెడ్డి బీజేపీకి కోవ‌ర్టు మిత్రుడ‌ని పేర్కొన్నారు. ఇది జ‌గ‌మెరిగిన స‌త్య‌మ‌న్నారు.
రాష్ట్ర ప్ర‌జ‌ల‌కు బాగా తెలుస‌న్నారు. తొలుత ఆర్ఎస్ఎస్ లో ఉండి ఆ త‌ర్వాత టీఆర్ఎస్ లో చేరి, అక్క‌డి నుంచి టీడీపీలోకి జంప్ అయ్యి ఇప్పుడు కాంగ్రెస్ కండువా క‌ప్పుకున్న రేవంత్ రెడ్డి చెప్పే నీతులు ఎవ‌రు వింటార‌ని ప్ర‌శ్నించారు.
పిల్లి క‌ళ్లు మూసుకుని పాలు తాగిన‌ట్లు రేవంత్ రెడ్డి వ్య‌వ‌హ‌రిస్తున్నారంటూ ఆరోపించారు. ఇత‌రుల మీద లేనిపోని ఆరోప‌ణ‌లు, అభాండాలు వేయ‌డం ఎంత వ‌ర‌కు స‌బ‌బు అని ప్ర‌శ్నించారు. కాంగ్రెస్ పార్టీ నేత‌లు, కార్య‌క‌ర్త‌ల‌ను మోసం చేస్తున్న విష‌యం ప్ర‌తి ఒక్క‌రికీ తెలుస‌న్నారు డాక్ట‌ర్ దాసోజు శ్ర‌వ‌ణ్.
Also Read : Rahul Gandhi : కాంగ్రెస్ పార్టీకి కార్య‌క‌ర్త‌లే ప్రాణం