David Conway CSK : చుక్క‌లు చూపించిన డేవిడ్ కాన్వే

David Conway CSK : చెన్నై వేదిక‌గా చిదంబ‌రం స్టేడియంలో జ‌రిగిన లీగ్ మ్యాచ్ లో దుమ్ము రేపాడు మ‌రోసారి చెన్నైకి చెందిన డేవిన్ కాన్వే. ఈ సీజ‌న్ లో వ‌రుస‌గా రాణిస్తూ వ‌స్తున్నాడు కాన్వే. మొద‌ట బ్యాటింగ్ చేసిన హైద‌రాబాద్ 10 ఓవ‌ర్ల‌లో 2 వికెట్లు కోల్పోయి 76 ర‌న్స్ చేసింది. ఆ త‌ర్వాత వికెట్ల‌ను త్వ‌ర త్వ‌ర‌గా కోల్పోయింది. నిర్ణీత 20 ఓవ‌ర్ల‌లో 134 ప‌రుగులు మాత్ర‌మే చేసింది.

చెన్నై బౌల‌ర్లు త‌మ బౌలింగ్ స‌త్తా చాట‌డంతో బ్యాట‌ర్లు ప‌రుగులు చేసేందుకు ఇబ్బంది ప‌డ్డారు. ప‌రుగులు చేయ‌లేక పోయారు. అనంత‌రం 135 ర‌న్స్ టార్గెట్ తో బ‌రిలోకి దిగిన చెన్నై సూప‌ర్ కింగ్స్ కేవ‌లం 3 వికెట్లు మాత్ర‌మే కోల్పోయింది.

మైదానంలో వ‌చ్చీ రావ‌డంతోనే డేవిన్ కాన్వే(David Conway CSK) క‌ళ్లు చెదిరే షాట్స్ తో ఆక‌ట్టుకున్నాడు. ఇక ర‌వీంద్ర జ‌డేజా మ‌రోసారి త‌న అద్భుత‌మైన బౌలింగ్ తో తిప్పేశాడు. బ్యాట‌ర్ల‌ను ముప్పు తిప్ప‌లు పెట్టాడు. అభిషేక్ శ‌ర్మ ఒక్క‌డే రాణించాడు. గ‌త మ్యాచ్ లో సెంచ‌రీతో స‌త్తా చాటిన హ్యారీ బ్రూక్ 18 ర‌న్స్ కే ప‌రిమితం అయ్యాడు.

ఇక డేవిడ్ కాన్వే 57 బంతులు మాత్ర‌మే ఎదుర్కొని 77 ర‌న్స్ చేశాడు. ఇక ర‌వీంద్ర జ‌డేజా 4 ఓవ‌ర్లు వేసి 3 వికెట్లు తీశాడు. చెన్నై సూప‌ర్ కింగ్స్ విజ‌యంలో కీల‌క పాత్ర పోషించాడు.

Also Read : తిప్పేసిన ర‌వీంద్ర జ‌డేజా