Devendra Fadnavis : రాహుల్ కామెంట్స్ ఫ‌డ్న‌వీస్ సీరియ‌స్
సావ‌ర్క‌ర్ ను విమ‌ర్శిస్తే ఊరుకోం
Devendra Fadnavis : మ‌హారాష్ట్ర ఉప ముఖ్య‌మంత్రి దేవేంద్ర ఫ‌డ్న‌వీస్ సీరియ‌స్ కామెంట్స్ చేశారు. ఆయ‌న కాంగ్రెస్ మాజీ చీఫ్ రాహుల్ గాంధీపై నిప్పులు చెరిగారు. వీడీ సావ‌ర్క‌ర్ పై నోరు పారేసుకుంటే ఊరుకోబోమంటూ హెచ్చ‌రించారు. స్థాయికి మించి మాట్లాడ‌టం రాహుల్ గాంధీకి అల‌వాటుగా మారింద‌న్నారు. ఆయ‌న బంగారు స్పూన్ తో పుట్ట‌లేదంటూ ఎద్దేవా చేశారు.
కొన్ని విలువ‌ల‌కు , సిద్దాంతాల‌కు క‌ట్టుబ‌డిన మ‌హోన్న‌త వ్య‌క్తి వీడీ సావ‌ర్క‌ర్ అంటూ గుర్తు చేశారు. చ‌రిత్ర తెలుసు కోకుండా అవాకులు చెవాకులు పేల‌డం ఈ మ‌ధ్య కాంగ్రెస్ పార్టీ నాయ‌కులకు రివాజుగా మారిందంటూ మండిప‌డ్డారు దేవేంద్ర ఫ‌డ్న‌వీస్(Devendra Fadnavis).
దివంగ‌త హిందుత్వ సిద్దాంత‌క‌ర్త‌గా ఇప్ప‌టికీ గుర్తిస్తారు వీడీ సావ‌ర్క‌ర్ ను. తీవ్ర స్థాయిలో దాడి చేశారు ఫ‌డ్న‌వీస్ . మ‌హాన‌గ‌రంలో జ‌రిగిన సావ‌ర్క‌ర్ గౌరవ్ యాత్ర‌లో డిప్యూటీ సీఎం పాల్గొన్నారు. కాంగ్రెస్ నేత‌ల వ్యాఖ్య‌ల‌ను ప్ర‌స్తావిస్తూ ఘాటుగా స్పందించారు. వీడీ సావ‌ర్క‌ర్ జైలు నుండి బ‌య‌ట‌కు వ‌చ్చేందుకు బ్రిటిష్ వారికి క్ష‌మాప‌ణ‌లు చెప్పాడంటూ సంచ‌ల‌న వ్యాఖ్య‌లు చేశాడు రాహుల్ గాంధీ.
ఆయ‌న చేసిన వ్యాఖ్య‌లు తీవ్ర దుమారం రేపాయి. మిత్ర‌ప‌క్షాల‌తో పాటు భార‌తీయ జ‌న‌తా పార్టీ నాయ‌కులు సైతం తీవ్ర స్థాయిలో స్పందించారు. రాహుల్ గాంధీ త‌న మాట‌ల‌ను వెన‌క్కి తీసుకోవాల‌ని కోరారు.
Also Read : ధ‌ర్మం గెలుస్తుంది నీతి నిలుస్తుంది