Gidugu Rudraraju : బీజేపీ అంటే బాబు..జ‌గ‌న్..ప‌వ‌న్
ఎద్దేవా చేసిన ఏపీసీసీ చీఫ్ గిడుగు రుద్రరాజు
Gidugu Rudraraju : అమ‌రావ‌తి – ఆంధ్ర‌ప్ర‌దేశ్ కాంగ్రెస్ పార్టీ క‌మిటీ చీఫ్ గిడుగు రుద్ర‌రాజ్ నిప్పులు చెరిగారు. ఆయ‌న ప్ర‌ధాన పార్టీల‌పై ఆస‌క్తిక‌ర వ్యాఖ్య‌లు చేశారు. ఏపీసీసీ చీఫ్ ప్ర‌ధానంగా బీజేపీని టార్గెట్ చేశారు. ఇందులో భాగంగా బీజేపీ అంటేనే చంద్ర‌బాబు నాయుడు, జ‌గ‌న్ మోహ‌న్ రెడ్డి, ప‌వ‌న్ క‌ళ్యాణ్ అని ఎద్దేవా చేశారు. ఈనెల 21న సీడ‌బ్ల్యూసీ స‌మావేశంలో మేనిఫెస్టోపై చ‌ర్చించ‌డం జ‌రుగుతుంద‌ని తెలిపారు.
Gidugu Rudraraju Comments Viral
సోమ‌వారం ఆయ‌న మీడియాతో మాట్లాడారు. త్వ‌ర‌లోనే ఎన్నిక‌లు జ‌రుగుతుండ‌డంతో తాము పెద్ద ఎత్తున ఫోక‌స్ పెట్ట‌డం జ‌ర‌గింద‌ని తెలిపారు గిడుగు రుద్రరాజు(Gidugu Rudraraju). త‌ప్ప‌కుండా తాము కీల‌క‌మైన పాత్ర వ‌హించ‌డం ఖాయ‌మ‌ని జోష్యం చెప్పారు.
త‌మ పార్టీలోకి ఎవ‌రు వ‌చ్చినా వారిని స్వాగ‌తిస్తామ‌ని తెలిపారు. అంతే కాదు అధికారంలో ఉన్న వైసీపీ ఎమ్మెల్యేలు కొంద‌రు త‌మ‌తో ట‌చ్ లోకి వ‌చ్చార‌ని సంచ‌ల‌న ఆరోప‌ణ‌లు చేశారు. ప్ర‌జ‌లు ఎదుర్కొంటున్న స‌మ‌స్య‌ల‌ను ప్ర‌ధానంగా ప్ర‌స్తావిస్తూ పోరాటం చేస్తామ‌ని పేర్కొన్నారు గిడుగు రుద్రరాజు.
పూర్తిగా కార్యాచ‌ర‌ణ త‌యారు చేస్తామ‌ని, త్వ‌ర‌లోనే పార్టీ హై క‌మాండ్ ఆదేశాల‌తో మేనిఫెస్టోను త‌యారు చేయ‌డం జ‌రుగుతుంద‌ని స్ప‌ష్టం చేశారు ఏపీసీసీ చీఫ్.
Also Read : Uttam Kumar Reddy : ఎల్ అండ్ టీపై ఉత్త‌మ్ సీరియ‌స్