Janasena Party: అవనిగడ్డ, రైల్వే కోడూరు అభ్యర్థుల్ని ప్రకటించిన జనసేన !

Janasena Party: జనసేన పార్టీలో సీట్ల కేటాయింపు చివరి దశకు చేరుకుంది. అవనిగడ్డ శాసనసభ స్థానం నుంచి జనసేన(Janasena Party) అభ్యర్థిగా మండలి బుద్దప్రసాద్‌ పేరును ఆ పార్టీ అధ్యక్షులు పవన్‌ కళ్యాణ్‌ ఖరారు చేశారు. గురువారం పార్టీ ముఖ్య నేతలతో చర్చించిన అనంతరం బుద్దప్రసాద్‌ అభ్యర్థిత్వానికి ఆమోదం తెలిపారు. పాలకొండ అసెంబ్లీ స్థానానికి సంబంధించి రెండు రోజుల్లో నిర్ణయాన్ని ప్రకటిస్తారని పార్టీ వర్గాలు తెలిపాయి. అభ్యర్థిగా ఎవరు ఉండాలనే అంశంపై అభిప్రాయ సేకరణ చేస్తూ నాయకులతో చర్చిస్తున్నారు. పాలకొండ టీడీపీ ఇన్ చార్జిగా ఉన్న నిమ్మక జయకృష్ణ ఇటీవల జనసేనలో చేరారు. దీనితో అతనికే సీటు కేటాయిస్తారని ప్రచారం జరుగుతోంది. నిమ్మక జయకృష్ణ కంటే ముందు అదే నియోజకవర్గానికి చెందిన టీడీపీ మహిళా నేత పడాల భూదేవి కూడా జనసేనాని కలిసారు. దీనితో ఎవరి పేరును ఖరారు చేస్తారు అనే దానిపై ఉత్కంఠ కొనసాగుతోంది.

Janasena Party Candidates

మరోవైపు రైల్వే కోడూరు స్థానానికి ఇప్పటికే యనమల భాస్కరరావు పేరును ప్రకటించారు. ఈయన అభ్యర్థిత్వంపై సర్వేల్లో సానుకూలత రాలేదు. మిత్రపక్షమైన తెలుగుదేశం వైపు నుంచి కూడా అనుకూలత లేకపోవడంతో మరింత లోతుగా అధ్యయనం చేశారు. క్షేత్రస్థాయి నివేదికల ఆధారంగా రైల్వే కోడూరు అభ్యర్థిగా అరవ శ్రీధర్‌ను ఎంపిక చేసినట్లు జనసేన ప్రకటించింది.

Also Read : EC Notices: మంత్రి జోగి రమేశ్‌, వైసీపీ నేత లేళ్ల అప్పిరెడ్డికి ఈసీ నోటీసులు