PM Modi : ఈ ప్ర‌యాణం అద్భుతం – మోదీ
మ‌న్ కీ బాత్ 100వ ఎపిసోడ్
PM Modi : దేశ వ్యాప్తంగా మోస్ట్ పాపుల‌ర్ కార్య‌క్ర‌మంగా పేరు పొందింది దేశ ప్ర‌ధాన మంత్రి న‌రేంద్ర మోదీ నిర్వ‌హిస్తున్న మ‌న్ కీ బాత్ రేడియో కార్యక్రమం. ఆయ‌న పీఎంగా కొలువు తీరాక తొలి సారిగా అక్టోబ‌ర్ 3, 2014న మ‌న్ కీ బాత్ పేరుతో ప్రారంభించారు.
ప్ర‌తి నెలా ఆఖ‌రి వారంలో ఇది ప్ర‌సారం అవుతోంది. ఏప్రిల్ 30తో న‌రేంద్ర దామోద‌ర దాస్ మోదీ(PM Modi) ఆధ్వ‌ర్యంలో నిర్వ‌హిస్తున్న మ‌న్ కీ బాత్ కార్యక్రమం 100వ‌ది పూర్తి చేసుకుంది. ఈ సంద‌ర్భంగా ఆదివారం భారీ ఎత్తున ఢిల్లీలో కార్య‌క్ర‌మాన్ని చేప‌డుతున్నారు.
దీనిని పుర‌స్క‌రించుకుని ప్ర‌ధాన‌మంత్రి కీల‌క వ్యాఖ్య‌లు చేశారు. త‌న రాజ‌కీయ జీవితంలో ఈ మ‌న్ కీ బాత్ అపూర్వ‌మైన ఘ‌ట్ట‌మ‌ని పేర్కొన్నారు. త‌న జీవిత కాలంలో మ‌రిచి పోలేన‌ని తెలిపారు. వేలాది మందిని క‌లుసుకునే అవ‌కాశం ద‌క్కింద‌న్నారు. స్పూర్తి దాయ‌క‌మైన వ్య‌క్తులు, వ్య‌వ‌స్థ‌లు, సంస్థ‌లు, సంఘ‌ట‌న‌లు, క‌న్నీళ్లు, సంతోషాలు, విజ‌యాలు, స్పూర్తి దాయ‌క‌మైన క‌థ‌లు, ఇలా చెప్పుకుంటూ పోతే ఈ దేశంలో ఒక వినూత్న‌మైన చ‌రిత్ర‌కు నాంది ప‌లికింది మ‌న్ కీ బాత్ అని స్ప‌ష్టం చేశారు న‌రేంద్ర మోదీ(PM Modi).
ఇవాళ ఆయ‌న ట్విట్ట‌ర్ వేదిక‌గా ఆస‌క్తిక‌ర వ్యాఖ్య‌లు చేశారు. మ‌న్ కీ బాత్ కార్యక్రమం దేశానికే కాకుండా ప్ర‌పంచానికి కూడా ఆద‌ర్శంగా నిలిచింద‌న్నారు. ఐక్య రాజ్య స‌మితిలో కూడా ప్ర‌సారం కావ‌డం త‌న‌ను ఎంత‌గానో సంతోషానికి గురి చేసింద‌ని తెలిపారు న‌రేంద్ర మోదీ.
Also Read : మ‌హిళా రెజ్ల‌ర్ల‌కు మ‌ద్ద‌తివ్వండి