Harish Rao : ఆటో న‌డిపిన హ‌రీష్ రావు
విస్తు పోయిన డ్రైవ‌ర్లు
Harish Rao : ఎవ‌రీ ఆటో డ్రైవ‌ర్ అనుకుంటున్నారా. ఆయ‌న రాష్ట్ర వైద్య ఆరోగ్య శాఖ మంత్రి , బీఆర్ఎస్ లో ట్ర‌బుల్ షూట‌ర్ గా పేరొందిన త‌న్నీరు హ‌రీశ్ రావు. సోమ‌వారం సిద్దిపేట‌లో అరుదైన స‌న్నివేశానికి వేదిక‌గా మారారు మంత్రి. బీఆర్ఎస్ ప్ర‌స్తుతం ఎన్నిక‌ల‌కు స‌న్న‌ద్దం అవుతోంది. వ‌చ్చే ఎన్నిక‌ల వ‌ర‌కు నిత్యం ప్ర‌జ‌ల్లో ఉండాల‌ని సీఎం కేసీఆర్ ఆదేశించారు. ఈ మేర‌కు ఓ వైపు మంత్రిగా ఉంటూనే మ‌రో వైపు పార్టీలో కీల‌క పాత్ర పోషిస్తూ వ‌స్తున్నారు.
ప్ర‌తి చోటా ఆత్మీయ స‌మ్మేళ‌నాల‌కు శ్రీ‌కారం చుట్టారు హ‌రీష్ రావు(Harish Rao). తాజాగా సిద్దిపేట‌లో ఆటో క్రెడిట్ కో ఆప‌రేటివ్ సొసైటీ ఆధ్వ‌ర్యంలో ఆత్మీయ స‌మ్మేళ‌నం చేప‌ట్టారు. ఆటో డ్రైవ‌ర్ల‌ను విస్తు పోయేలా చేస్తూ తాను కూడా ఆటో డ్రైవ‌ర్ దుస్తులు ధ‌రించారు. ఆ మేర‌కు ఆటోను స్వ‌యంగా తానే న‌డుపుకుంటూ వెళ్లారు. ప్ర‌స్తుతం మంత్రి హ‌రీష్ రావు ఆటో డ్రైవింగ్ చేస్తున్న ఫోటోలు సోష‌ల్ మీడియాలో షేక్ చేస్తున్నాయి. క్ష‌ణాల్లోనే వైర‌ల్ గా మారాయి.
తెలంగాణ ఉద్య‌మ స‌మ‌యంలో హ‌రీశ్ రావు కీల‌క‌మైన నేత‌గా ఉన్నారు. సంబండ వ‌ర్ణాల‌ను క‌ల‌ప‌డంలో, భావ సారూప్య‌త క‌లిగిన వారితో సంప్ర‌దింపులు జ‌ర‌ప‌డంలో, తెలంగాణ స‌మ‌స్య‌ల‌ను ప్ర‌స్తావించడంలో కీల‌క పాత్ర పోషించారు హ‌రీశ్ రావు. మంత్రి స్టీరింగ్ నే కాదు ఆటో స్టీరింగ్ కూడా న‌డ‌ప‌గ‌ల‌న‌ని హ‌రీష్ రావు నిరూపించారు. ఆటో డ్రైవ‌ర్ల కోరిక మేర‌కు కాద‌న‌లేక పోయారు మంత్రి(Harish Rao) .
Also Read : క‌న్న‌డ భాష‌లో ప‌రీక్ష‌లు నిర్వ‌హించాలి