Minister Kinjarapu Atchannaidu: “ఆడబిడ్డ నిధి పథకం” అమలుచేయాలంటే రాష్ట్రాన్ని అమ్మేయాలి – మంత్రి అచ్చెన్నాయుడు

Kinjarapu Atchannaidu : ఆర్థిక లోటు ఉన్నప్పటికీ ముఖ్యమంత్రి ఎన్ చంద్రబాబు నాయుడు నేతృత్వంలోని ప్రభుత్వం “ఆడబిడ్డ నిధి పథకం”  (Aadabidda Nidhi)మినహా “సూపర్ సిక్స్”ను అమలు చేసిందని వ్యవసాయ మంత్రి కింజరాపు అచ్చెన్నాయుడు (Kinjarapu Atchannaidu) స్పష్టం చేసారు. అయితే, “ఆడబిడ్డ నిధి పథకం” అమలు చేయాలంటే మనం రాష్ట్రాన్ని అమ్మేయాలి” అని ఆయన అన్నారు. కొత్తవలస మండలం మంగళపాలెంలో నిర్వహించిన ‘సుపరిపాలనలో తొలి అడుగు’ కార్యక్రమంలో సోమవారం ఆయన ఈ వ్యాఖ్యలు చేసారు. అయితే అచ్చెన్నాయుడు చేసిన వ్యాఖ్యలు వివిధ సోషల్ మీడియా ప్లాట్‌ఫామ్‌లలో వైరల్ కావడంతో మంగళవారం ఇది వెలుగులోకి వచ్చింది. ప్రతిపక్ష పార్టీలు ముఖ్యంగా వైఎస్‌ఆర్‌సిపి “ఆడబిడ్డ నిధి పథకం” అమలు చేయడానికి మనం రాష్ట్రాన్ని అమ్మేయాలి అనే అచ్చన్నాయుడు మాట్లాడినట్లు ఎడిట్ చేసిన వీడియోను వివిధ సోషల్ మీడియా ప్లాట్‌ఫామ్‌లలో వైరల్ చేస్తున్నారు.

MInister Kinjarapu Atchannaidu Comments

కొత్తవలస మండలం మంగళపాలెంలో నిర్వహించిన ‘సుపరిపాలనలో తొలి అడుగు’ కార్యక్రమంలో మంత్రి కింజరాపు అచ్చెన్నాయుడు (Kinjarapu Atchannaidu) మాట్లాడుతూ… ప్రభుత్వ ఉద్యోగులకు జీతాలు మరియు పెన్షన్లు ఇవ్వడానికి రాష్ట్ర ఆదాయం సరిపోవడం లేదని అన్నారు. అయినప్పటికీ, ముఖ్యమంత్రి ఎన్ చంద్రబాబు నాయుడు ఎన్నికల హామీలన్నింటినీ ఒక్కొక్కటిగా అమలు చేస్తున్నారన్నారు. ఆగస్టు నుండి “మహిళలకు ఉచిత బస్సు ప్రయాణం” ప్రారంభిస్తామన్నారు. అధికారులు తమ సొంత జిల్లాలో మహిళలకు ఉచిత బస్సు ప్రయాణం కల్పించడానికి ప్రణాళికలు తయారు చేస్తున్నారని… అయితే, రాష్ట్రవ్యాప్తంగా మహిళలు ఎటువంటి పని లేకుండా ఇతర జిల్లాలకు వెళ్లరు కాబట్టి, వారికి ఉచిత బస్సు ప్రయాణం కల్పించాలని నేను మంత్రి నారా లోకేష్‌ను తాను కోరానన్నారు.

తన వాదనతో ఏకీభవించిన మంత్రి నారా లోకేష్… ఆగస్టు 15 నుండి ఐదు రకాల బస్సులలో మహిళలకు ఉచిత బస్సు ప్రయాణం కల్పించడానికి అంగీకరించార్నారు. అదే సమయంలో, మహిళలకు ఉచిత బస్సు ప్రయాణం పథకం అమలుచేయడం వలన తాము రోడ్లపై పడతామంటూ ఆటో డ్రైవర్ల నుండి అభ్యంతరాలు వచ్చాయన్నారు. అందువల్ల, మహిళలతో పాటు ఆటో డ్రైవర్లకు ఆర్థిక సహాయం అందించడానికి మేము అదే రోజున ప్రత్యేక పథకాన్ని ప్రారంభిస్తామన్నారు.

2024 ఎన్నికలకు ముందు కూటమి పార్టీలు హామీ ఇచ్చిన “సూపర్ సిక్స్” లో “ఆడబిడ్డ నిధి పథకం” తప్ప మిగిలినవన్నీ ఆగస్టు 15 నాటికి అమలు అవుతాయన్నారు. అయితే, “ఆడబిడ్డ నిధి పథకాన్ని” అమలు చేయడానికి ప్రభుత్వానికి భారీగా డబ్బు అవసరమని… ప్రస్తుతం ఉన్న రాష్ట్ర ఆర్థిక స్థితి ప్రకారం “ఆడబిడ్డ నిధి పథకాన్ని” అమలు చేయాలంటే రాష్ట్రాన్ని అమ్మేయాలననారు. అయినప్పటికీ, ముఖ్యమంత్రి చంద్రబాబు నాయుడు “ఆడబిడ్డను ఎలా అమలు చేయాలో అవకాశాలపై కసరత్తు చేస్తున్నారు. అయితే, YSRCP నాయకులు “సూపర్ సిక్స్” అమలుపై నిరాధారమైన ఆరోపణలు చేస్తున్నారు. YSRCP నాయకులు సూపర్ సిక్స్ అమలుపై తప్పుడు ప్రచారం చేస్తున్నారన్నారు.

Also Read : Congress Leader Anil: కాంగ్రెస్ నేత హత్య కేసులో వెలుగులోకి సంచలన విషయాలు