MLA Seethakka : బ‌డా బాబుల‌కే రైతు బంధు – సీత‌క్క‌

MLA Seethakka : ములుగు కాంగ్రెస్ పార్టీ ఎమ్మెల్యే దాసరి సీత‌క్క సంచ‌ల‌న ఆరోప‌ణ‌లు చేశారు. సీఎం కేసీఆర్ కేవ‌లం బ‌డా బాబుల‌కు, ధ‌న‌వంతుల‌కు, దొర‌ల‌కు , ఉన్న‌త వ‌ర్గాల‌కు మేలు చేకూర్చేలా రైతు బంధును తీసుకు వ‌చ్చారంటూ ఆవేద‌న వ్య‌క్తం చేశారు.

MLA Seethakka asked angrily

చేవెళ్ల‌లో కాంగ్రెస్ పార్టీ ఆధ్వ‌ర్యంలో ప్ర‌జా గ‌ర్జ‌న స‌భ‌ను నిర్వ‌హించింది. ఈ సంద‌ర్బంగా ఏఐసీసీ చీఫ్ మ‌ల్లికార్జున్ ఖ‌ర్గే హాజ‌ర‌య్యారు. ఎస్సీ, ఎస్టీ డిక్ల‌రేష‌న్ ను ఆవిష్క‌రించారు. ఎమ్మెల్యే సీత‌క్క(MLA Seethakka) మాట్లాడారు. వ్య‌వ‌సాయం చేయ‌కుండా ఫాం హౌస్ లు క‌ట్టుకుని , వంద‌లు ఎక‌రాలు ఉన్న భూ స్వాముల‌కు రైతు బంధు ఇస్తున్నారంటూ ఆగ్ర‌హం వ్య‌క్తం చేశారు.

వారికి అన్ని ర‌కాలుగా మేలు చేకూర్చేలా చేశారంటూ వాపోయారు. ఉచితంగా క‌రెంట్ కూడా ఇస్తున్నార‌ని, ఇలాంటి దౌర్భాగ్య‌పు ప‌థ‌కం ఇంకెక్క‌డా లేద‌న్నారు. కానీ రెండు లైట్లు, ఒక ఫ్యాన్ ఉన్న పేద కుటుంబాలు ఒక్క నెల క‌రెంట్ బిల్లు క‌ట్ట‌క పోతే క‌నెక్ష‌న్ క‌ట్ చేస్తున్నారంటూ ఆవేద‌న చెందారు దాస‌రి సీత‌క్క‌.

మాయ మాట‌ల‌తో ఇంకెంత కాలం కేసీఆర్ మోసం చేస్తారంటూ ప్ర‌శ్నించారు. ప్ర‌జ‌లు మార్పు కోరుకుంటున్నార‌ని రాబోయే ఎన్నిక‌ల్లో త‌ప్ప‌కుండా కాంగ్రెస్ పార్టీ అధికారంలోకి వ‌స్తుంద‌ని ధీమా వ్య‌క్తం చేశారు ములుగు ఎమ్మెల్యే.

Also Read : Chandrababu Naidu : వైసీపీ ప‌త‌నం ప్రారంభం – చంద్ర‌బాబు