Movva Satyanarayana : బీజేపీకి గుడ్ బై బీఆర్ఎస్ కు జై

Movva Satyanarayana : హైద‌రాబాద్ – తెలంగాణ‌లో ఎన్నిక‌లు జ‌రుగుతున్న వేళ జంపింగ్ లు ఎక్కువై పోయాయి. ప్ర‌ధానంగా కాంగ్రెస్, బీజేపీ నుంచి అధికారంలో ఉన్న బీఆర్ఎస్ పార్టీలోకి చేరిక‌లు కొన‌సాగుతున్నాయి. తాజాగా బీజేపీకి బిగ్ షాక్ త‌గిలింది. శేర్ లింగంప‌ల్లికి చెందిన సీనియ‌ర్ నాయ‌కుడు, చివ‌రి దాకా పార్టీ టికెట్ ఆశించి భంగ‌ప‌డిన మొవ్వా స‌త్య‌నారాయ‌ణ జంప్ అయ్యారు.

Movva Satyanarayana Joined in BRS

ఆదివారం ప్ర‌గ‌తి భ‌వ‌న్ లో జ‌రిగిన కార్య‌క్ర‌మంలో బీఆర్ఎస్(BRS) వ‌ర్కింగ్ ప్రెసిడెంట్ , ఐటీ, ప‌రిశ్ర‌మ‌ల శాఖ మంత్రి కేటీఆర్ స‌మ‌క్షంలో గులాబీ కండువా క‌ప్పుకున్నారు. స్థానిక ఎమ్మెల్యే ఆర్కే పూడి గాంధీ కూడా ఉన్నారు. మొత్తంగా మొవ్వా స‌త్య‌నారాయ‌ణ చేర‌డంతో పార్టీకి మ‌రింత జోష్ రానుంద‌ని ఆశిస్తున్నారు ఎమ్మెల్యే.

ఈ సంద‌ర్భంగా మంత్రి కేటీఆర్ మాట్లాడారు. ఇవాళ రాష్ట్రంలో గులాబీ గాలి వీస్తోంద‌న్నారు. ఇందులో ఎలాంటి అనుమానం అక్క‌ర్లేద‌న్నారు. మొత్తం 119 స్థానాల‌కు గాను క‌నీసం 100 స్థానాల‌కు పైగా వ‌స్తాయ‌ని స్ప‌ష్టం చేశారు కేటీఆర్.

ఇదే స‌మ‌యంలో దేశంలో ఎక్క‌డా లేని రీతిలో తెలంగాణ రాష్ట్రంలో ప్ర‌భుత్వం సంక్షేమ ప‌థ‌కాల‌ను అమ‌లు చేస్తోంద‌ని స్ప‌ష్టం చేశారు. ప్ర‌తిప‌క్షాల క‌ల‌లు క‌ల్ల‌లు కావ‌డం ఖాయ‌మ‌న్నారు కేటీఆర్.

Also Read : Uday Babu Mohan : బాబు మోహ‌న్ కు షాక్ కొడుకు జంప్