Muslim Religious Leaders : సీఎంకు మ‌త పెద్ద‌ల స‌న్మానం
ష‌బ్బీర్ అలీ ఆధ్వ‌ర్యంలో స‌మావేశం
Muslim Religious Leaders : హైద‌రాబాద్ – రాష్ట్రంలో కొత్త‌గా కాంగ్రెస్ పార్టీ అధికారంలోకి వ‌చ్చింది. నూత‌న ముఖ్య‌మంత్రిగా కొలువు తీరారు సీఎం ఎనుముల రేవంత్ రెడ్డి. ఆయ‌న కోడంగ‌ల్ శాస‌న స‌భ నియోజ‌క‌వ‌ర్గం నుంచి ఎమ్మెల్యేగా ఎన్నిక‌య్యారు.
Muslim Religious Leaders Met CM Revanth Reddy
ఈ సంద‌ర్భంగా మాజీ మంత్రి ష‌బ్బీర్ అలీ ఆధ్వ‌ర్యంలో డాక్ట‌ర్ బాబా సాహెబ్ అంబేద్క‌ర్ తెలంగాణ రాష్ట్ర స‌చివాల‌యంలో ముస్లిం మ‌త పెద్ద‌లు, నాయ‌కులు సీఎం రేవంత్ రెడ్డిని క‌లుసుకున్నారు.
అనంత‌రం ముస్లిం మ‌త పెద్ద‌లు రేవంత్ రెడ్డిని(Revanth Reddy) ఆశీర్వ‌దించారు. అంత‌కు ముందు ఘ‌నంగా సీఎంను స‌న్మానించారు. ఇదే స‌మ‌యంలో రాష్ట్రంలో గ‌త ప్ర‌భుత్వం స‌రైన రీతిలో త‌మ గురించి ఆలోచించ లేద‌ని ఆవేద‌న వ్య‌క్తం చేశారు.
ఈ రాష్ట్రంలో రెండో శ్రేణి పౌరులుగా త‌మ‌ను ప‌రిగ‌ణిస్తున్నార‌ని, దీనిని తొల‌గించేందుకు చ‌ర్య‌లు తీసుకోవాల‌ని రేవంత్ రెడ్డికి విన్న‌వించారు. మైనార్టీల సంక్షేమం, అభివృద్దికి సీఎం కృషి చేయాల‌ని ముస్లిం మ‌త పెద్ద‌లు, నాయ‌కులు కోరారు.
ఇదే స‌మ‌యంలో విన‌తిప‌త్రం స‌మ‌ర్పించారు. త‌న‌ను స‌న్మానించ‌డంతో పాటు ఆశీర్వాదం ఇచ్చినందుకు ధ‌న్య‌వాదాలు తెలిపారు రేవంత్ రెడ్డి మ‌త పెద్ద‌లు, నాయ‌కుల‌కు. ముస్లింలు కూడా రాష్ట్రంలో భాగ‌మేన‌ని, వారు త‌మ సోద‌ర సోద‌రీమ‌ణుల‌ని పేర్కొన్నారు.
Also Read : Telangana Whips : సీఎంను క‌లిసిన విప్ లు