Nara Chandrababu Naidu: చంద్రబాబుతో పవన్ కళ్యాణ్ భేటీ !

Nara Chandrababu Naidu: టీడీపీ అధినేత చంద్రబాబు నాయుడితో… జనసేన అధినేత భేటీ అయ్యారు. ఉండవల్లిలోని చంద్రబాబు నివాసానికి వెళ్ళిన జనసేనాని సుమారు రెండు గంటల పాటు చర్చించారు. మొదటి ఉమ్మడి జాబితా విడుదల చేసిన తరువాత నెలకొన్న పరిస్థితులు, రెండో జాబితాలో ప్రకటించబోయే స్థానాలపై ఇద్దరి మధ్య చర్చ జరిగినట్లు తెలుస్తోంది. మరోవైపు జనసేన-టీడీపీలు కలిసి బీజేపీ కూటమిలో చేరే అవకాశం కూడా ఉండటంతో… సీట్ల సర్ధుబాటుపై కూడా చర్చించినట్లు ప్రచారం జరుగుతోంది. వీరిద్దరూ మరో ఒకటి రెండు రోజుల్లో ఢిల్లీ వెళ్లి… పొంతు అంశంపై బీజేపీ పెద్దలతో చర్చించే అవకాశం ఉంది. ఈ నేపథ్యంలో పొత్తులో ప్రకటించబోయే సీట్లు, అక్కడి పరిణామాలపై కూడా కూలంకుశంగా చర్చించినట్లు తెలుస్తోంది.

Nara Chandrababu Naidu – చంద్రబాబు ఢిల్లీ పర్యటన ఖరారు !

టీడీపీ అధినేత చంద్రబాబు ఢిల్లీ పర్యటన ఖరారు అయింది. మరికొద్ది రోజుల్లో జరగబోయే సార్వత్రిక ఎన్నికల్లో బీజేపీతో పొత్తు అంశాన్ని చర్చించేందుకు చంద్రబాబు(Nara Chandrababu Naidu) గురువారం ఢిల్లీ వెళ్ళనున్నారు. ఇప్పటికే ఏపీ బీజేపీ అధ్యక్షురాలు దగ్గుబాటి పురంధేశ్వరి ఢిల్లీ పయనమయ్యారు. మరోవైపు జనసేన అధినేత పవన్ కళ్యాణ్ కూడా ఏ క్షణమైనా ఢిల్లీ వెళ్ళే అవకాశాలు కనిపిస్తున్నాయి. ఈ నేపథ్యంలో బీజేపీ, టీడీపీ, జనసేనల పొత్తు ఖయమనే వాదన బలంగా వినిపిస్తోంది.

Also Read : Russia-Ukraine War : ఉద్యోగానికి వెళ్లి రష్యా-ఉక్రెయిన్ వార్ లో మృతి చెందిన హైదరాబాద్ యువకుడు