Nara Lokesh : ఢిల్లీలో నారా లోకేష్ బిజీ
టీడీపీ ఎంపీతో ముచ్చ‌ట
Nara Lokesh : న్యూఢిల్లీ – టీడీపీ జాతీయ ప్ర‌ధాన కార్య‌ద‌ర్శి నారా లోకేష్ న్యూ ఢిల్లీలో బిజీగా ఉన్నారు. త‌న తండ్రి , మాజీ సీఎం నారా చంద్ర‌బాబు నాయుడు ప్ర‌స్తుతం రాజ‌మండ్రి సెంట్ర‌ల్ జైలులో రిమాండ్ ఖైదీగా ఉన్నారు. ఆయ‌న అరెస్ట్ పూర్తిగా క‌క్ష సాధింపు త‌ప్ప మ‌రొక‌టి కాద‌ని పేర్కొన్నారు.
Nara Lokesh in Delhi Updates
శ‌నివారం చంద్ర‌బాబును ఏపీ సీఐడీ క‌స్ట‌డీలోకి తీసుకుంది. విచార‌ణ ప్రారంభించింది జైలులోనే. ఏసీబీ కోర్టు బిగ్ షాక్ ఇచ్చింది. ఆయ‌న‌కు రెండు రోజుల క‌స్ట‌డీకి అనుమ‌తి ఇస్తూ తీర్పు చెప్పింది. ఈ సంద‌ర్భంగా జాతీయ స్థాయిలో లాయ‌ర్లు, ఎంపీలు, ఇత‌ర టీడీపీ సానుభూతి ప‌రుల‌తో చ‌ర్చించేందుకు నారా లోకేష్(Nara Lokesh) ఢిల్లీలోనే ఉన్నారు.
ఇదిలా ఉండ‌గా ఫైబ‌ర్ , అమ‌రావ‌తి ఇన్న‌ర్ రింగ్ రోడ్ కు సంబంధించి స్కాం జ‌రిగింద‌ని ఇందులో ఆనాడు కేబినెట్ లో కీల‌క మంత్రిగా ఉన్న నారా లోకేష్ కు కూడా ప్ర‌మేయం ఉందంటూ ఏపీ సీఐడీ సంచ‌ల‌న ఆరోప‌ణ‌లు చేసింది.
ఈ మేర‌కు ఆయ‌న గ‌నుక ఏపీలో అడుగు పెడితే త‌క్ష‌ణ‌మే అరెస్ట్ చేసేందుకు పోలీసులు రెడీగా ఉన్నారు. ఇదిలా ఉండ‌గానే మ‌రో వైపు లోకేష్ ఢిల్లీకే ప‌రిమితం కావ‌డం టీడీపీ శ్రేణుల‌ను విస్తు పోయేలా చేసింది.
Also Read : AP CID Investigation : చంద్ర‌బాబు సీఐడీ విచార‌ణ షురూ