Venkaiah Naidu : న‌రేంద్ర మోదీ ప‌నితీరు సూప‌ర్ – వెంక‌య్య
ఆరోగ్యం, విదేశాంగ విధానం, సాంకేతిక‌త‌లో భేష్
Venkaiah Naidu : ప్ర‌ధాన మంత్రి న‌రేంద్ర మోదీ ప‌నితీరు అద్భుతంగా ఉందంటూ ప్ర‌శంస‌ల‌తో ముంచెత్తారు మాజీ భార‌త రాష్ట్రపతి ముప్ప‌వ‌ర‌పు వెంక‌య్య నాయుడు(Venkaiah Naidu).
మోదీకి సంబంధించిన 86 అంశాల‌తో కూడిన పుస్త‌కాన్ని వెంక‌య్య ఆవిష్క‌రించారు. ఈ సంద‌ర్భంగా మాజీ ఉప రాష్ట్రపతి ప్ర‌సంగించారు.
ఆరోగ్య సంర‌క్ష‌ణ, విదేశాంగ విధానం, సాంకేతిక‌త వంటి విభిన్న రంగాల్లో న‌రేంద్ర దామోద‌ర దాస్ మోదీ(PM Modi) సాధించిన విజ‌యాల‌ను కొనియాడారు.
భార‌తదేశం ఎదుగుద‌ల‌ను ప్ర‌పంచం ఇప్పుడు గుర్తిస్తోంద‌ని ఇదంతా మోదీ వ‌ల్ల‌నే సాధ్య‌మైంద‌ని స్ప‌ష్టం చేశారు. ఇదే స‌మ‌యంలో ప్ర‌ధాన‌మంత్రికి మాజీ ఉప రాష్ట్రపతి వెంక‌య్య నాయుడు(Venkaiah Naidu) స‌ల‌హా ఇచ్చారు.
ఈ సంద‌ర్భంగా కీల‌క వ్యాఖ్య‌లు చేశారు. ప్రతిపక్ష పార్టీల‌తో చోటు చేసుకున్న అపార్థాల‌ను తొల‌గించు కోవాల‌ని సూచించారు మోదీకి. ప్ర‌ధాన‌మంత్రి త‌రచుగా అన్ని పార్టీల‌కు చెందిన రాజ‌కీయ నాయ‌కుల‌ను క‌ల‌వాల‌ని కోరారు.
దీని వ‌ల్ల ప్రతిపక్ష పార్టీల‌కు చోటు చేసుకున్న అపార్థాల‌ను తొల‌గించేందుకు స‌హాయ ప‌డుతుంద‌ని మాజీ ఉప రాష్ట్రపతి అన్నారు. భార‌త దేశం ప్ర‌స్తుతం లెక్కించ‌ద‌గిన శ‌క్తిగా ఉంద‌న్నారు.
దాని స్వ‌రం ఇప్పుడు ప్ర‌పంచ‌మంత‌టా వినిపిస్తోంద‌న్నారు. ఇంత త‌క్కువ వ్య‌వ‌ధిలో సాధించ‌డం అన్న‌ది సాధార‌ణ విష‌యం కాద‌న్నారు.
మోదీ తీసుకున్న చ‌ర్య‌ల వ‌ల్ల, దేశానికి , ప్ర‌జ‌ల‌కు ఇస్తున్న మార్గ‌ద‌ర్శ‌క‌త్వం కార‌ణంగా సాధ్య‌మైంద‌ని చెప్పారు. ఇదిలా ఉండ‌గా మోదీ ప్ర‌సంగాల‌తో కూడిన స‌బ్ కా సాథ్ స‌బ్ కా వికాస్ అన్న పుస్త‌కాన్ని కేంద్ర స‌మాచార, సాంకేతిక శాఖ ఆధ్వ‌ర్యంలో ప్ర‌చురించింది.
ఈ గ్రంథాన్ని వెంక‌య్య నాయుడు ఆవిష్క‌రించారు.
Also Read : అక్ర‌మ రిసార్ట్స్ పై విచార‌ణ‌కు ఆదేశం – సీఎం