Omnicom Group : హైద‌రాబాద్ లో ఓమ్నీ కామ్ జీసీసీ సెంట‌ర్
2,500 మందికి ఉపాధి అవ‌కాశాలు
Omnicom Group : గ్లోబ‌ల్ మీడియా ప‌వ‌ర్ హౌస్ గా పేరు పొందిన ఓమ్నీ కామ్ గ్రూప్ కీల‌క ప్ర‌క‌ట‌న చేసింది. ఈ మేర‌కు హైద‌రాబాద్ లో త్వ‌ర‌లో తమ కేంద్రాన్ని ప్రారంభించ‌నుంది. ఈ విష‌యాన్ని ఐటీ, పుర‌పాలిక శాఖ మంత్రి కేటీఆర్ వెల్ల‌డించారు.
కేటీఆర్ అమెరికా ప‌ర్య‌ట‌న‌లో బిజీ బిజీగా ఉన్నారు. త‌న టూర్ లో భాగంగా ప‌లు దిగ్గ‌జ కంపెనీల ప్ర‌తినిధుల‌తో వ‌రుస‌గా స‌మావేశం అవుతున్నారు. తాజాగా అమెరికా లోని న్యూయార్క్ లో ఓమ్ని కామ్ నాయ‌క‌త్వ బృందంతో మంత్రి కేటీఆర్ బృందం స‌మావేశమైంది. ఈ టీంలో జ‌యేశ్ రంజ‌న్ కూడా ఉన్నారు.
Omnicom Group New Branch in Hyderabad
ఓమ్నీ కామ్ మీడియా గ్రూప్ హైద‌రాబాద్ లో తమ కేంద్రాన్ని ప్రారంభించేందుకు ఓకే చెప్పింద‌ని కేటీఆర్(KTR) వెల్ల‌డించారు. దీని ద్వారా క‌నీసం 2,500 మందికి పైగా ఉపాధి అవ‌కాశాలు ద‌క్కుతాయ‌ని ఆశాభావం వ్య‌క్తం చేశారు. దీంతో హైద‌రాబాద్ మ‌రో దిగ్గ‌జ కంపెనీకి వేదిక కానుండ‌డం త‌న‌కు మ‌రింత సంతోషాన్ని క‌లిగించింద‌ని స్ప‌ష్టం చేశారు కేటీఆర్.
ఓమ్నీ కామ్ గ్రూప్ లోని డిజిట‌ల్ ఆప‌రేష‌న్స్ గ్లోబ‌ల్ ఎగ్జిక్యూటివ్ వైస్ ప్రెసిడెంట్ జైద్ అల్ ర‌షీద్ తో కేటీఆర్ స‌మావేశం అయ్యారు. ఈసంద‌ర్బంగా తమ కంపెనీ కొత్త‌గా గ్లోబ‌ల్ కెపాబిలిటీ సెంట‌ర్ ఏర్పాటుకు హైద‌రాబాద్ ను ఎంచుకున్న‌ట్లు వెల్ల‌డించారు.
Also Read : Omnicom Group : హైద‌రాబాద్ లో ఓమ్నీ కామ్ జీసీసీ సెంట‌ర్