Pilot Rohit Reddy : వివాదంలో పైల‌ట్ రోహిత్ రెడ్డి
ఫోటో షూట్ కోసం వై సెక్యూరిటీ
Pilot Rohit Reddy : తెలంగాణ‌లో అధికారంలో ఉన్న భార‌త రాస్ట్ర స‌మితికి చెందిన ప్ర‌జా ప్ర‌తినిధులు రోజుకొక వివాదంలో చిక్కుకుంటున్నారు. కొన్ని చోట్ల నేత‌ల మ‌ధ్య ఆధిప‌త్య పోరు కొన‌సాగుతోంది. ఒక‌రిపై మ‌రొక‌రు ఆరోప‌ణ‌లు చేసుకుంటూ ర‌చ్చ చేస్తున్నారు. అధికారం ఉంది కదా అని రెచ్చి పోవ‌డంపై ప్ర‌జ‌లు విస్తు పోతున్నారు.
నిన్న‌టి దాకా అధికార పార్టీకి చెందిన ఎమ్మెల్యే రాజ‌య్య‌పై ఆ పార్టీకి చెందిన నాయ‌కురాలు ఆరోప‌ణ‌లు చేశారు. మ‌రో వైపు ఎమ్మెల్యే వ‌ర్సెస్ మాజీ డిప్యూటీ సీఎం క‌డియంకు మ‌ధ్య ప‌చ్చ గ‌డ్డి వేస్తే భ‌గ్గుమ‌నే స్థాయికి చేరుకున్నాయి విభేదాలు. చివ‌ర‌కు స‌మ‌స్య కేటీఆర్ దాకా వెళ్లింది. ఆయ‌న ఇద్ద‌రికి క్లాస్ పీకిన‌ట్లు స‌మాచారం.
ఇదిలా ఉండ‌గానే ఎప్పుడూ హాట్ టాపిక్ లో ఉండే వారిలో తాండూరు నియోజ‌క‌వ‌ర్గానికి చెందిన బీఆర్ఎస్ ఎమ్మెల్యే పైల‌ట్ రోహిత్ రెడ్డి(Pilot Rohit Reddy). ఎమ్మెల్యేల కొనుగోలు కేసులో చ‌ర్చ‌నీయాంశంగా మారారు . త‌మ‌ను కొనుగోలు చేసేందుకు బీజేపీ ప్లాన్ చేసిందంటూ ఆరోపించారు. తాజాగా మ‌రో వివాదంలో చిక్కుకున్నారు తాండూరు ఎమ్మెల్యే. వై కేట‌గిరీ సెక్యూరిటీని ఫోటో షూట్స్ కి వాడుకుంటున్నార‌న్న ఆరోప‌ణ‌లు ఉన్నాయి. ఇందుకు సంబంధించిన ఫోటోలు , వీడియోలు నెట్టింట్లో వైర‌ల్ అవుతున్నాయి.
Also Read : Delhi CM : ఢిల్లీలో విద్యా సంస్థ‌ల‌కు సెల‌వు