Pilot Rohit Reddy : ద‌మ్ముంటే నిరూపించండి – రోహిత్ రెడ్డి
బండి సంజ‌య్, ర‌ఘునంద‌న్ రావుకు స‌వాల్
Pilot Rohit Reddy : తెలంగాణలో రాజ‌కీయాలు మ‌రింత ర‌స‌వ‌త్త‌రంగా మారాయి. స‌వాళ్ల ప‌ర్వం కొన‌సాగుతోంది. త‌న‌కు డ్ర‌గ్స్ కేసుతో సంబంధం ఉందంటూ బీజేపీ చీఫ్ బండి సంజ‌య్ , ఎమ్మెల్యే ర‌ఘునంద‌న్ రావులు చేసిన ఆరోప‌ణ‌లు రుజువు చేయాల‌న్నారు టీఆర్ఎస్ ఎమ్మెల్యే పైల‌ట్ రోహిత్ రెడ్డి. వాళ్లు చేసిన ఆరోప‌ణ‌లు రుజువు చేస్తే తాను రాజీనామా చేస్తాన‌ని అన్నారు.
చేయ‌క పోతే ఎంపీ, ఎమ్మెల్యేల ప‌ద‌వుల‌కు గుడ్ బై చెబుతారా అంటూ ప్ర‌శ్నించారు. దీనికి వారు సిద్ద‌మ‌ని ప్ర‌క‌టిస్తే తాను ఎక్క‌డికి ర‌మ్మ‌న్నా వ‌స్తాన‌ని ప్ర‌క‌టించారు రోహిత్ రెడ్డి(Pilot Rohit Reddy). తాను భాగ్య‌ల‌క్ష్మి ఆలయం వ‌ద్ద‌కు చేరుకున్నాన‌ని, ఆరోప‌ణ‌లు చేసిన బండి సంజ‌య్ ఏడున్నాడ‌ని నిల‌దీశారు.
త‌న స‌వాల్ ను బండి స్వీక‌రించ లేద‌ని, దీంతో ఆయ‌నవ‌న్నీ అబ‌ద్దాల‌ని తేలింద‌న్నారు. బండి సంజ‌య్ నిజ‌మైన హిందువు కానే కాద‌న్నారు. ఒక‌వేళ అలా అయితే త‌ను విసిరిన స‌వాల్ కు స్పందించే వాడ‌న్నారు రోహిత్ రెడ్డి. తాను హిందువైనందు వ‌ల్ల‌నే అమ్మ వారి వ‌ద్ద స‌వాల్ చేశాన‌ని చెప్పారు.
మ‌తం పేరుతో యువ‌త‌ను రెచ్చ గొడుతున్నారంటూ సంచ‌ల‌న ఆరోప‌ణ‌లు చేశారు ఎమ్మెల్యే. ద‌మ్ముంటే నిరూపించేందుకు రావాల‌న్నారు. ఎమ్మెల్యే ర‌ఘునంద‌న్ రావుపై కూడా నిప్పులు చెరిగారు. ప‌ఠాన్ చెరులో ప‌రిశ్ర‌మ‌ల నుంచి డ‌బ్బులు వ‌సూలు చేసిన ఘ‌న‌త ఆయ‌న‌దేన‌ని అన్నారు రోహిత్ రెడ్డి. త‌న విద్యార్హ‌త‌ల గురించి చేసిన విమ‌ర్శ‌ల‌న్నీ అవాస్త‌వాలేనంటూ స్ప‌ష్టం చేశారు.
కాగా రోహిత్ రెడ్డి చేసిన కామెంట్స్ పై ఇంకా స్పందించ లేదు బండి, ర‌ఘునంద‌న్ రావు.
Also Read : ఇంటికో ఉద్యగం సీఎం శ‌ఠ‌గోపం – రేవంత్