PM Modi : క‌న్న‌డ నాట మోదీకి బ్ర‌హ్మ‌ర‌థం
తుది ద‌శ‌కు చేరుకున్న ఎన్నిక‌ల ప్ర‌చారం
PM Modi : క‌ర్ణాట‌కలో ఎన్నిక‌ల ప్ర‌చారంలో ప్ర‌చారం తుది ద‌శ‌కు చేరుకుంది. శ‌నివారం ప్ర‌ధాన‌మంత్రి న‌రేంద్ర మోదీ రోడ్ షో చేప‌ట్టారు. ఇప్ప‌టికే రాష్ట్రంలో ప‌లుమార్లు ప‌ర్య‌టించారు మోదీ. ఓ వైపు బీజేపీ ఇంకో వైపు కాంగ్రెస్ పార్టీలు హోరా హోరీగా ప్ర‌చారం చేప‌డుతున్నాయి. మ‌రోసారి అధికారంలోకి రావాల‌నే ల‌క్ష్యంతో ప్ర‌ధాన మంత్రి , కేంద్ర హోం శాఖ మంత్రి అమిత్ షా , బీజేపీ నేష‌న‌ల్ చీఫ్ జేపీ న‌డ్డా ఎక్కువ‌గా ఫోక‌స్ పెట్టారు.
గ‌తంలో కంటే ఎక్కువ‌గా ఈసారి క‌ర్ణాట‌క‌పై ఫోక‌స్ పెట్టారు ప్ర‌ధాన‌మంత్రి న‌రేంద్ర మోదీ(PM Modi). ఇవాళ బీజేపీ ఆధ్వ‌ర్యంలో భారీ ఎత్తున పీఎం రోడ్ షో చేప‌ట్టారు. జై హో మోదీ అంటూ పెద్ద ఎత్తున నినాదాల‌తో హోరెత్తి పోయింది క‌న్న‌డ న‌గ‌రం.
ఊహించ‌ని రీతిలో రోడ్ షోకు భారీ ఎత్తున జ‌నం హాజ‌ర‌య్యారు. క‌ర్ణాట‌క రాష్ట్ర రాజ‌ధాని బెంగ‌ళూరు మొత్తం కాషాయంతో నిండి పోయింది. వ‌రుస ప్ర‌చారాల‌తో హోరెత్తించాడు ప్ర‌ధాన‌మంత్రి న‌రేంద్ర మోదీ. జేపీ న‌గ‌ర్ లో చేప‌ట్టిన భారీ రోడ్ షోకు శ్రీ‌కారం చుట్టారు. కార్య‌క‌ర్త‌లు ఘ‌న స్వాగ‌తం ప‌లికారు. రోడ్డుకు ఇరు వైపులా జై న‌రేంద్ర మోదీ అంటూ నినాదాలు చేశారు.
ఇదిలా ఉండ‌గా ఈసారి భార‌తీయ జ‌న‌తా పార్టీ ఈ ఎన్నిక‌ల‌ను అత్య‌త ప్ర‌తిష్టాత్మ‌కంగా చూస్తున్నాయి. ఇక ఎగ్జిట్ పోల్స్ మొత్తం హంగ్ ఏర్ప‌డే అవ‌కాశం ఉంద‌ని ప్ర‌చారం జ‌రుగుతోంది. కాంగ్రెస్ పార్టీ మాత్రం తాము త‌ప్ప‌క గెలుస్తామ‌ని ధీమాగా ఉంది. 150 సీట్లు త‌మ‌కు వ‌స్తాయ‌ని ఆ పార్టీ చీఫ్ మ‌ల్లికార్జున్ ఖ‌ర్గే ప్ర‌క‌టించారు.
Also Read : బూట‌క‌పు వాగ్ధానాల ప‌ట్ల జ‌ర జాగ్ర‌త్త