Prisoner: అత్యాచారం చేసిన మహిళను జైలులోనే పెళ్లి చేసుకున్న ఖైదీ

Prisoner : ఒడిశాలోని గంజాం జిల్లా కోడల సబ్ జైలులో అత్యాచారం కేసులో రిమాండ్ ఖైదీగా ఉన్న ఓ వ్యక్తి… అదే కేసులో పిర్యాదుదారురాలైన మహిళలను పెళ్ళి చేసుకున్నాడు. కోర్టు అనుమతి మేరకు జైలు అధికారుల సమక్షంలో నిందితుడు, బాధిత యువతి మెడలో హిందూ సాంప్రదాయం ప్రకారం వివాహమాడాడు. ప్రస్తుతం ఇతని ఫోటోలు సోషల్ మీడియాలో వైరల్ గా మారతున్నాయి. ఇక పూర్తి వివరాల్లోకి వెళితే…

Prisoner Marriage

ఒడిశాలోని(Odisha) గోచాబాదికి చెందిన సూర్యకాంత్‌ బెహెరా తనను పెళ్లి చేసుకుంటానని చెప్పి అత్యాచారానికి పాల్పడ్డాడంటూ 22 ఏళ్ల యువతి పోలసర పోలీసులకు ఫిర్యాదు చేసింది. దీనితో కేసు నమోదు చేసి సూర్యకాంత్‌ బెహెరాను అరెస్టు చేసిన పోలీసులు రిమాండ్ నిమిత్తం గంజాం జిల్లాలోని కోడల సబ్ జైలుకు తరలించారు. 2024 నవంబరు నుండి సూర్యకాంత్ బెహెరా అదే జైలులో అండర్-ట్రయల్ ఖైదీగా ఉన్నారు. అయితే ఈ కేసును సామరస్యంగా పరిష్కరించుకునేందుకు ఇరు కుటుంబాల మధ్య చర్చలు జరుగుతున్నాయి. ఈ క్రమంలో నిందితుడు, బాధిత యువతి పెళ్లికి అంగీకరించారని కోర్టులో వారు పిటిషన్‌ వేశారు.

దీనికి న్యాయస్థానం అనుమతి ఇవ్వడంతో ఆదివారం కొడాలా సబ్‌జైలులో వారిద్దరికీ హిందూ సంప్రదాయం ప్రకారం అధికారులు పెళ్లి జరిపించారు. సబ్-జైలు ఏర్పాటు చేసిన అలంకరించబడిన ఎలక్ట్రిక్ వాహనంలో వరుడు వివాహ వేదిక వద్దకు వచ్చాడు. వివాహానికి అయ్యే ఖర్చు అంతా రెండు కుటుంబాలు భరించాయి. వివాహం తర్వాత వధువు తన అత్తమామల ఇంటికి వెళ్లగా, వరుడు తన జైలు గదికి తిరిగి వెళ్లాడని, ఈ కేసు విచారణ పెండింగ్‌ లో ఉందని జైలర్ తెలిపారు. అయితే తుది తీర్పు వెలువడే వరకు నిందితుడు సూర్యకాంత్‌ జైలులోనే ఉండనున్నాడు.

ఈ సందర్భంగా కోడలా సబ్-జైలు జైలర్ తరనిసేన్ దేహురి మాట్లాడుతూ… పోలసర పోలీసు పరిధిలోని గోచాబాడికి చెందిన అండర్-ట్రయల్ ఖైదీ(Prisoner) సూర్యకాంత్ బెహెరా, జైలు ఆవరణలోని హనుమాన్ ఆలయంలో వారి కుటుంబ సభ్యుల సమక్షంలో ఫిర్యాదుదారుని వివాహం చేసుకున్నాడు. కోర్టు మరియు జైలు అధికారుల నుండి అవసరమైన అనుమతి పొందిన తర్వాత సాంప్రదాయ వేద ఆచారాలు మరియు హిందూ సంప్రదాయం ప్రకారం వివాహ వేడుక జరిగింది.

“ఇరు కుటుంబాల సమ్మతి తర్వాత, వధూవరులు ఇష్టపూర్వకంగా వివాహం చేసుకోవడానికి అంగీకరించారు మరియు ఎలాంటి ఒత్తిడి లేకుండా వివాహాన్ని కొనసాగించాలని నిర్ణయించుకున్నట్లు కోర్టులో అఫిడవిట్‌లో పేర్కొన్నారు. అదనపు జిల్లా న్యాయమూర్తి మరియు జైళ్ల డీజీ ఆమోదం పొందిన తర్వాత, మేము హిందూ సంప్రదాయాలు మరియు ఆచారాల ప్రకారం వివాహాన్ని సమన్వయం చేసుకున్నాము” అని దేహూరి అన్నారు.

Also Read : Pahalgam Terror Attack: పహాల్గాం ఉగ్రదాడి దుష్ప్రచారంపై ఎమ్మెల్యేతో సహా 30 మంది అరెస్ట్