RCB vs UPW WPL 2023 : ఆర్సీబీ ప‌రాజ‌యాల ప‌రంప‌ర

RCB vs UPW WPL 2023 : మ‌హిళా ప్రీమియ‌ర్ లీగ్ (డ‌బ్ల్యుపీఎల్) లో స్మృతీ మంధాన సార‌థ్యంలోని రాయ‌ల్ ఛాలెంజ‌ర్స్ బెంగ‌ళూరు (ఆర్సీబీ) ఆశించిన మేర రాణించ‌డం లేదు. ఇప్ప‌టి వ‌ర‌కు ప్రారంభమైన లీగ్ లో ఇంకా బోణీ కొట్ట‌లేదు. వేలం పాట‌లో అత్య‌ధిక ధ‌ర‌కు అమ్ముడు పోయింది స్మృతీ మంధాన‌. ఆమెను ఆర్సీబీ రూ. 3.40 కోట్ల‌కు చేజిక్కించుకుంది. కానీ ఈ రిచ్ లీగ్ లో మంధాన ప్ర‌ద‌ర్శ‌న ఆస‌క్తిక‌రంగా సాగ‌లేదు. క‌నీసం కెప్టెన్ గా త‌న ప్ర‌భావాన్ని చూప‌లేక పోయింది.

తాజాగా యూపీ వారియ‌ర్స్(RCB vs UPW WPL 2023)  తో జ‌రిగిన కీల‌క మ్యాచ్ లో చేతులెత్తేసింది ఆర్సీబీ. ఒక్క వికెట్ న‌ష్ట పోయి 72 ప‌రుగుల‌తో ఉన్న ఆర్సీబీ ఆ త‌ర్వాత పేక మేడ‌లా త‌క్కువ స్కోర్ కే కుప్ప కూలింది. 138 ప‌రుగుల‌కు చాప చుట్టేసింది. బెంగ‌ళూరు టీమ్ లో ఎలీస్ పెర్రీ అద్భుతంగా ఆడింది. 39 బంతులు ఎదుర్కొని 59 ర‌న్స్ చేసింది. టాస్ గెలిచి ముందుగా బ్యాటింగ్ ఎంచుకుంది కెప్టెన్ మంధాన‌. కానీ వ‌ర్క‌వుట్ కాలేదు. కేవ‌లం నాలుగు ప‌రుగులు చేసి పెవిలియ‌న్ బాట ప‌ట్టింది.

ఆమె వెనుదిరిగాక సోఫీ డివైన్ , ఎలీస్ పెర్రీ క‌లిసి ప‌రువు పోకుండా కాపాడ‌రు. ఇద్ద‌రూ క‌లిసి రెండో వికెట్ కు 44 ర‌న్స్ చేశారు. 19.3 ఓవ‌ర్ల‌లో 138 ర‌న్స్ కు కుప్ప కూలింది. యూపీ బౌల‌ర్ల‌లో దీప్తి శ‌ర్మ 3, స్టోన్ 4 వికెట్లు ప‌డ‌గొట్ట‌గా రాజేశ్వ‌రి 1 వికెట్ తీసింది. అనంత‌రం బ‌రిలోకి దిగిన యూపీ వారియ‌ర్స్ టార్గెట్ ను ఛేదించింది.

Also Read : చెల‌రేగిన ఖ‌వాజా..కామెరాన్