RR vs GT IPL 2023 : రాజ‌స్థాన్ రాణిస్తుందా గుజ‌రాత్ గెలుస్తుందా
స‌మ ఉజ్జీల మ‌ధ్య స‌మ‌రానికి స‌న్న‌ద్ధం
RR vs GT IPL 2023 : ఐపీఎల్ 16వ సీజ‌న్ లో స‌మ ఉజ్జీల మ‌ధ్య పోరు కొన‌సాగ‌నుంది. డిఫెండింగ్ ఛాంపియ‌న్ గుజ‌రాత్ టైటాన్స్ రాజ‌స్థాన్ రాయ‌ల్స్ తో త‌ల‌ప‌డేందుకు రెఢీ అయ్యింది. నువ్వా నేనా అన్న రీతిలో పోరు కొన‌సాగ‌నుంది. పాయింట్ల ప‌ట్టిక‌లో టాప్ లో కొన‌సాగుతోంది పాండ్యా సేన. భారీ స్కోర్ సాధించినా రాజ‌స్థాన్ గెలుపొంద లేక పోవ‌డం ఒకింత ఆందోళ‌న క‌లిగిస్తోంది. అద్భుత‌మైన బ్యాట‌ర్లు, సూప‌ర్ స్పెల్ తో ఆక‌ట్టుకునే స‌త్తా క‌లిగిన బౌల‌ర్లు ఉన్నా ఆశించిన మేర రాణించ లేక పోతోంది.
జైపూర్ లోని స‌వాయ్ మాన్ సింగ్ స్టేడియంలో త‌ల‌ప‌డ‌నున్నాయి ఇరు జ‌ట్లు. రాజ‌స్థాన్ రాయ‌ల్స్(RR vs GT IPL 2023) ఇప్ప‌టి దాకా 9 మ్యాచ్ లు ఆడింది. 5 మ్యాచ్ లలో గెలుపొందింది. నాలుగు మ్యాచ్ లలో ఓట‌మి పాలైంది. గుజ‌రాత్ టైటాన్స్ 9 మ్యాచ్ లు ఆడింది. 6 మ్యాచ్ లలో విజ‌యం సాధించి మూడింట్లో ఓడి పోయింది. ఇరు జ‌ట్లు ఇప్ప‌టి దాకా 4 మ్యాచ్ లు ఆడాయి. రాజ‌స్థాన్ ఒక మ్యాచ్ లో గెలిస్తే గుజ‌రాత్ 3 మ్యాచ్ లలో విజ‌యం సాధించింది.
ఇక జ‌ట్ల ప‌రంగా చూస్తే రాజ‌స్థాన్ రాయ‌ల్స్ జ‌ట్టులో య‌శ‌స్వి జైస్వాల్ , జోస్ బ‌ట్ల‌ర్ , సంజూ శాంస‌న్ (కెప్టెన్ ) , ప‌డిక్క‌ల్ , ధృవ్ జురెల్ , కుల్దీప్ సేన్ , షిమ్రోన్ హిట్మెయ‌ర్ , ర‌విచంద్ర‌న్ అశ్విన్ , జాస‌న్ హోల్డ‌ర్ , ట్రెంట్ బౌల్ట్ , సందీప్ శ‌ర్మ, చాహ‌ల్ ఉన్నారు.
గుజ‌రాత్ టైటాన్స్ టీమ్ లో వృద్ది మాన్ సాహా, అభిన‌వ్ మ‌నోహ‌ర్ , హార్దిక్ పాండ్యా (కెప్టెన్ ) , విజ‌య్ శంక‌ర్ , డేవిడ్ మిల్ల‌ర్ , రాహుల్ తెవాటియా, ర‌షీద్ ఖాన్ , నూర్ అహ్మ‌ద్ , మ‌హ‌మ్మ‌ద్ ష‌మీ, మోహిత్ శ‌ర్మ, శుభ్ మ‌న్ గిల్ , జాషువా లిటిల్ ఆడ‌నున్నారు.
Also Read : ఆ నాలుగు జ‌ట్ల‌కే ప్లే ఆఫ్ ఛాన్స్ – భ‌జ్జీ