Sanjay Raut Javed Akhtar : జావేద్ అక్త‌ర్ కు సంజ‌య్ స‌లాం

Sanjay Raut Hails Javed Akhtar : ప్ర‌ముఖ గీత ర‌చ‌యిత జావేద్ అక్త‌ర్ ను ప్ర‌శంస‌ల‌తో ముంచెత్తారు శివ‌సేన బాలా సాహెబ్ ఠాక్రే పార్టీ జాతీయ అధికార ప్ర‌తినిధి, ఎంపీ సంజ‌య్ రౌత్. పాకిస్తాన్ లో పాక్ కు వ్య‌తిరేకంగా మాట్లాడ‌ట‌మే కాదు త‌న దేశానికి సంబంధించిన భ‌క్తిని , గౌర‌వాన్ని చాటుకున్నార‌ని కొనియాడారు. 

గురువారం సంజ‌య్ రౌత్ మీడియాతో మాట్లాడారు. ఈ సంద‌ర్భంగా జావేద్ అక్త‌ర్ ను రాష్ట్ర‌ప‌తి ద్రౌప‌ది ముర్ము, ప్ర‌ధాని న‌రేంద్ర మోదీ, కేంద్ర ర‌క్ష‌ణ‌, హోం శాఖ మంత్రులు రాజ్ నాథ్ , అమిత్ షా ప్ర‌త్యేకంగా అభినందించాల‌ని సూచించారు ఎంపీ. ఈ విప‌త్క‌ర స‌మ‌యంలో కూడా త‌న దేశ‌భ‌క్తిని చాటు కోవ‌డం గొప్ప‌నైన విష‌య‌మ‌న్నారు.

దేశంలోని ప్ర‌తి ఒక్క‌రు ఆయ‌న‌కు మ‌ద్ద‌తు ఇవ్వాల‌ని పిలుపునిచ్చారు సంజ‌య్ రౌత్(Sanjay Raut Hails). త‌మ పార్టీ జావేద్ అక్త‌ర్ ను హృద‌య పూర్వ‌కంగా అభినందిస్తుంద‌ని చెప్పారు. ఆయ‌న క‌న‌బ‌ర్చిన ధైర్యాన్ని తాము ప్ర‌శంసిస్తున్న‌ట్లు తెలిపారు. లాహోర్ లో జ‌రిగిన ఫైజ్ ఫెస్టివ‌ల్ లో జావేద్ అక్త‌ర్ పాల్గొన్నారు. ఈ సంద‌ర్భంగా ఆనాడు ముంబైలో జ‌రిగిన 26/11 ఉగ్ర దాడుల‌పై క‌వి, గేయ ర‌చ‌యిత పాకిస్తాన్ ను నిందించారు.

ఈసారి జావేద్ అక్త‌ర్ ఏకంగా శత్రువు భూభాగంలో ధైర్యంగా నిల‌దీశాడు. ఆయ‌న అస‌లైన క‌వి ..క‌ళా రవీ అని కీర్తించారు. మీరు బాంబుల‌తో స్వాగ‌తం ప‌లుకుతారు. కానీ మేం మీరు దాడుల‌కు తెగ‌బ‌డినా..చంపినా పూల‌తోనే స్వాగ‌తం ప‌లుకుతామ‌ని స్ప‌ష్టం చేశారు జావేద్ అక్త‌ర్. ఆయ‌న చేసిన కామెంట్స్ తో కూడిన వీడియో ఇప్పుడు వైర‌ల్ గా మారింది.

Also Read : సంజయ్ రౌత్ ను ఆస్ప‌త్రిలో చేర్చండి