Smriti Mandhana : మంధాన మెస్మ‌రైజ్ ఇన్నింగ్స్ స‌ర్ ప్రైజ్
స‌రిలేరు నీకెవ్వ‌రు అంటున్న అభిమానులు
Smriti Mandhana : అంద‌మే కాదు ఆట‌లోనూ దుమ్ము రేపుతోంది ముంబైకి చెందిన స్మృతీ మంధాన. చిర‌కాల ప్ర‌త్య‌ర్థి పాకిస్తాన్ తో జ‌రిగిన మ్యాచ్ లో కీల‌క పాత్ర పోషించింది. అంతేనా పాక్ బౌల‌ర్ల‌కు చుక్క‌లు చూపించింది.
క‌ళాత్మ‌క‌మైన షాట్స్ తో అల‌రించింది. ఒక‌ర‌కంగా చెప్పాలంటే స్టార్ క్రికెట‌ర్ల‌ను త‌ల‌ద‌న్నేలా ఆడింది. క‌ళ్లు చెదిరే సిక్స్ లు, ఫోర్లతో పాకిస్తాన్ ను బెంబేలెత్తించింది.
హైద‌రాబాదీ స్టార్ హిట్ట‌ర్ మాజీ కెప్టెన్ మిథాలీ రాజ్ ను త‌ల‌పించేలా ఆడుతోంది ఈ ముంబై , ఇండియ‌న్ స్టార్ క్రికెట‌ర్. ప్ర‌స్తుతం భార‌త మ‌హిళా క్రికెట్ లో స్మృతీ మంధాన‌కు ఉన్నంత మంది ఫ్యాన్స్ మిగతా క్రికెట‌ర్ల‌కు లేరంటే న‌మ్మ‌లేం.
అంతలా పాపుల‌ర్ అయ్యింది ఈ క్రికెట‌ర్. కామ‌న్వెల్త్ గేమ్స్ 2022లో మొద‌టిసారి ప్ర‌వేశ పెట్టిన క్రికెట్ టోర్నీలో ఫ‌స్ట్ మ్యాచ్ ఆసిస్ తో 3 వికెట్ల తేడాతో ఓడి పోయింది భార‌త జ‌ట్టు.
ఆ త‌ర్వాత రెండో కీల‌క మ్యాచ్ లో దాయాది జ‌ట్టుకు కోలుకోలేని షాక్ ఇచ్చింది. 8 వికెట్ల తేడాతో గ్రాండ్ విక్ట‌రీ సాధించింది. ఈ విజ‌యం స్మృతీ మంధాన ధాటిగా ఆడ‌డం వ‌ల్లే సాధ్య‌మైంది.
కేవ‌లం 11.4 ఓవ‌ర్ల‌లో టార్గెట్ ను ఛేదించింది. మూడు సిక్స‌ర్లు 8 ఫోర్లతో 63 ప‌రుగులు చేసింది స్టార్ ప్లేయ‌ర్ స్మృతీ మంధాన(Smriti Mandhana).
మెస్మ‌రైజ్ ఇన్నింగ్స్ తో ఫ్యాన్స్ కు ..పాకిస్తాన్ ఆట‌గాళ్ల‌కు కోలుకోలేని రీతిలో స‌ర్ ప్రైజ్ ఇచ్చింది. అందుకే మంధాన స‌రిలేరు నీకెవ్వ‌రు అంటున్నారు..పాడుకుంటున్నారు అభిమానులు.
Also Read : చెల‌రేగిన భార‌త్ త‌లవంచిన పాకిస్తాన్