Sushil Kumar Modi: బీజేపీ సీనియర్‌ నేత సుశీల్‌ కుమార్‌ మోదీ మృతి !

Sushil Kumar Modi: బీజేపీ సీనియర్‌ నేత, బిహార్‌ మాజీ ఉప ముఖ్యమంత్రి సుశీల్‌ కుమార్‌ మోదీ కన్నుమూశారు. ఢిల్లీలోని ఎయిమ్స్‌ లో చికిత్స పొందుతూ సోమవారం రాత్రి ఆయన తుదిశ్వాస విడిచారు. గత కొంతకాలంగా క్యాన్సర్‌ తో బాధపడుతున్న సుశీల్‌ కుమార్‌ మోదీ… నెల రోజుల క్రితం ఎయిమ్స్‌ లో చేరారు. అయితే పరిస్థితి విషమించడంతో సోమవారం రాత్రి తుది శ్వాస విడిచారు. సుశీల్‌ కుమార్‌ మోదీ మృతి పట్ల పలువురు నేతలు సంతాపం ప్రకటించారు. తాను క్యాన్సర్‌ బారిన పడ్డానని గత నెల ఆయనే స్వయంగా వెల్లడించారు. ఆరోగ్య కారణాల వల్ల ఈ సార్వత్రిక ఎన్నికల్లో ప్రచారం చేయలేకపోతున్నట్లు ఆ సమయంలో పేర్కొన్నారు.

Sushil Kumar Modi No More

72 ఏళ్ల సుశీల్‌ కుమార్‌ బిహార్‌ రాజకీయాల్లో సీనియర్‌ నేత. 2005 నుంచి 2020 మధ్య సీఎం నీతీశ్‌ కుమార్‌ ప్రభుత్వంలో రెండు దఫాలుగా రాష్ట్ర ఉపముఖ్యమంత్రిగా పనిచేశారు. 2020లో ఎల్జేపీ వ్యవస్థాపకుడు రామ్‌ విలాస్‌ పాసవాన్‌ మరణంతో ఆయన రాజ్యసభ స్థానం ఖాళీ అయ్యింది. దీనితో ఉప ఎన్నికల్లో ఆ సీటుకు సుశీల్‌ ఏకగ్రీవంగా ఎన్నికయ్యారు. ఈ ఏడాది ఏప్రిల్‌ 2న ఆయన పదవీకాలం ముగిసింది.

Also Read : Mumbai Rains: ముంబయిలో భారీ వర్షాలు ! హోర్డింగ్‌ కూలి తొమ్మిది మంది మృతి !