Sanjay Raut : వాళ్లు మ‌మ్మ‌ల్ని కాపీ కొడుతున్నారు – రౌత్

Sanjay Raut : శివ‌సేన ఎంబీటీ పార్టీ జాతీయ అధికార ప్ర‌తినిధి, రాజ్య‌స‌భ ఎంపీ సంజ‌య్ రౌత్(Sanjay Raut) షాకింగ్ కామెంట్స్ చేశారు. ఆయ‌న మ‌రోసారి మ‌హారాష్ట్ర సీఎం ఏక్ నాథ్ షిండే, డిప్యూటీ సీఎం దేవేంద్ర ఫ‌డ్న‌వీస్ ల‌ను టార్గెట్ చేశారు. ఆ ఇద్ద‌రూ అయోధ్యను ప‌ర్య‌టించడాన్ని త‌ప్పు ప‌ట్టారు. వారు త‌మ‌ను ఫాలో అవుతున్నార‌ని ఒక ర‌కంగా కాపీ కొడుతున్నారంటూ ఎద్దేవా చేశారు.

ఓ వైపు అకాల వ‌ర్షాలు, వ‌డ‌గ‌ళ్ల వాన‌లు కురుస్తున్నాయి. రైతులు క‌ష్టాల్లో ఉన్న స‌మ‌యంలో ఆదుకోవాల్సిన ప్ర‌భుత్వం ప‌ట్టించు కోవ‌డం లేదు. బాధ్య‌త క‌లిగిన సీఎం, డిప్యూటీ సీఎం అయోధ్య టూర్ కు వెళితే ఎలా అని ప్ర‌శ్నించారు సంజ‌య్ రౌత్. ఆదివారం ఆయ‌న మీడియాతో మాట్లాడారు. ఇది మ‌రాఠా ప్ర‌జ‌ల‌ను, రైతుల‌ను అవ‌మానించ‌డం త‌ప్ప మ‌రొక‌టి కాద‌న్నారు.

సీఎం, డిప్యూటీ సీఎం రాష్ట్రంలో అన్ని స‌మ‌స్య‌ల‌ను విస్మ‌రించారు. వాటిని ప‌క్క‌న పెట్టి అయోధ్య‌కు వెళుతున్నారంటూ మండిప‌డ్డారు సంజ‌య్ రౌత్. రాముడు వారిని ఆశీర్వ‌దిస్తాడా అని ప్ర‌శ్నించారు ఎంపీ(Sanjay Raut). మేం కూడా రాముడిని న‌మ్ముతాం. చాలా సార్లు అయోధ్య‌కు వెళ్లాం. కానీ బీజేపీ మా పార్టీతో క‌లిసి రాలేద‌న్నారు. మ‌మ్మ‌ల్ని వాళ్లు కాపీ కొడుతున్నారంటూ ఆగ్ర‌హం వ్య‌క్తం చేశారు. అస‌లు ఎవ‌రో డిప్లికేట్ ఎవ‌రో ప్ర‌జ‌ల‌కు పూర్తిగా తెలుస‌న్నారు సంజ‌య్ రౌత్.

Also Read : మార్పు త‌థ్యం కాంగ్రెస్ కు ప‌ట్టం – డీకే