Udyan Express Fire : ఉద్యాన్ ఎక్స్ ప్రెస్ ట్రైన్ లో మంటలు

Udyan Express Fire : దేశంలో ఇటీవ‌ల రైల్వే ట్రైన్స్ లో వ‌రుస ఘ‌ట‌న‌లు చోటు చేసుకుంటున్నాయి. శ‌నివారం కేఎస్ఆర్ బెంగ‌ళూరు రైల్వే స్టేష‌న్ లో ఉద్యాన్ ఎక్స్ ప్రెస్ లో మంట‌లు చెల‌రేగాయి. కాగా ఎలాంటి ప్రాణ న‌ష్టం చోటు చేసుకోలేదు. ప్ర‌యాణీకులు ఎవరూ లేక పోవ‌డం ఒకింత ఊపిరి పీల్చుకునేలా చేశాయి. దీంతో ఉద్యాన్ ట్రైన్ ను రైలును ప‌ట్టాల నుంచి తొల‌గించారు.

Udyan Express Fire Incident Happend

బెంగ‌ళూరు సిటీ రైల్వే స్టేష‌న్ లోని ఉద్యాన్ ఎక్స్ ప్రెస్ లో చెల‌రేగిన మంట‌ల‌(Udyan Express Fire)ను ఆర్పేందుకు అగ్ని మాప‌క శాఖ ఆధ్వ‌ర్యంలో ఆర్పి వేశారు. ఈ ఘ‌ట‌న ఇవాళ తెల్ల వారు జామున చోటు చేసుకుంది. ట్రైన్ లోని రెండు ఎయిర్ కండిష‌న్ కోచ్ ల‌లో మంట‌లు చోటు చేసుకున్నాయి.

ఇదిలా ఉండ‌గా రైల్వే అధికారులు తెలిపిన ప్ర‌కారం రైలు నెంబ‌ర్ 11301 ఉద్యాన్ ఎక్స్ ప్రెస్ ముంబై నుండి కేఎస్ఆర్ బెంగ‌ళూరు వ‌ద్ద ఉద‌యం 5.45 గంట‌ల‌కు ప్లాట్ ఫార‌మ్ నంబ‌ర్ 3కి చేరుకుంది. 7.10 గంట‌ల ప్రాంతంలో ఉద్యాన్ ఎక్స్ ప్రెస్ ట్రైన్ లోని బి1, బి2 కోచ్ ల‌లో పొగ‌లు వ‌చ్చిన‌ట్లు స్టేష‌న్ సిబ్బంది, కొంద‌రు ప్ర‌యాణీకులు గుర్తించారు.

Also Read : Allu Arjun : కంచ‌ర్ల కోసం క‌దిలిన బ‌న్నీ