Vijaya Sai Reddy : బాబుది స్క్రిప్ట్ వ‌దిన‌ది డైలాగ్

Vijaya Sai Reddy : వైస్సార్ సీపీ ఎంపీ విజ‌య సాయి రెడ్డి ఆస‌క్తిక‌ర వ్యాఖ్య‌లు చేశారు. ఈ మ‌ధ్య ఆయ‌న మాట‌ల తూటాలు పేల్చుతున్నారు. ట్విట్ట‌ర్ వేదిక‌గా తీవ్ర ఆగ్ర‌హం వ్య‌క్తం చేస్తున్నారు. ఇప్ప‌టికే టీడీపీ చీఫ్ నారా చంద్ర‌బాబు నాయుడు, ప్ర‌ధాన కార్య‌ద‌ర్శి లోకేష్ బాబుతో పాటు జ‌న‌సేన పార్టీ చీఫ్ ప‌వ‌న్ క‌ళ్యాణ్ ల‌ను ఏకి పారేస్తున్నారు. త‌న మాట‌ల‌కు మ‌రింత ప‌దును పెడుతున్నారు. సెటైర్లు వేయ‌డంలో విజ‌య సాయి రెడ్డి సూప‌ర్.

Vijaya Sai Reddy Comments

ఇంకేం ఇప్పుడు ఆయ‌న దృష్టి ప్ర‌స్తుతం త‌మ ప్ర‌భుత్వాన్ని, సీఎం జ‌గ‌న్ రెడ్డిని టార్గెట్ చేస్తూ వ‌స్తున్న బీజేపీ కొత్త అధ్య‌క్షురాలు ద‌గ్గుబాటి పురందేశ్వ‌రి పై ఫోక‌స్ పెట్టారు విజ‌య సాయిరెడ్డి(Vijaya Sai Reddy). ఆమెపై సంచ‌ల‌న కామెంట్స్ చేశారు. ఆదివారం ట్విట్ట‌ర్ వేదిక‌గా స్పందించారు ఎంపీ.

భార‌తీయ జ‌న‌తా పార్టీ అంటే చంద్ర‌బాబు జ‌న‌తా పార్టీ కాదంటూ హిత‌వు ప‌లికారు. ఇదే స‌మ‌యంలో ఎద్దేవా చేశారు. బాబుది స్క్రిప్ట్ అయితే వ‌దిన పురందేశ్వ‌రిది డైలాగ్ అంటూ ఫైర్ అయ్యారు. తండ్రి పెట్టిన పార్టీపై ప్రేమ‌..మ‌రిది క‌ళ్ల‌లో ఆనంద‌మే ఆమె ల‌క్ష్యంగా క‌నిపిస్తోంద‌న్నారు విజ‌య సాయి రెడ్డి.

మీ నాన్న ఎన్టీఆర్ మ‌హా న‌టుడు. కానీ న‌ట‌న‌లో మీరు ఆయ‌న‌ను మించి పోయారంటూ పేర్కొన్నారు పురందేశ్వ‌రిని ఉద్దేశించింది. పార్ల‌మెంట్ లో ఎన్టీఆర్ విగ్ర‌హం పెట్టినందుకు సోనియాను పొడిగిన మీరు ఇప్పుడు బీజేపీలోకి జంప్ కావ‌డం, ప‌ద‌వి ద‌క్కించు కోవ‌డం న‌ట‌న కాక మ‌రేంటి అంటూ ప్ర‌శ్నించారు.

Also Read : Income Tax Return : 7 కోట్ల 40 ల‌క్ష‌ల మంది ఐటీ రిట‌ర్న్