Yogi Adityanath : బుల్డోజ‌ర్ల దెబ్బ‌కు పూలు పూశాయి – యోగి
నిప్పులు చెరిగిన యూపీ సీఎం
Yogi Adityanath Bulldozers : యూపీ సీఎం యోగి ఆదిత్యానాథ్(Yogi Adityanath) షాకింగ్ కామెంట్స్ చేశారు. ప్ర‌తిప‌క్షాలు చేసిన ఆరోప‌ణ‌ల‌ను ఖండించారు. గ‌తంలో ఏలిన వారు నేరాల‌ను, నేర‌స్తుల‌ను, మాఫియాను పెంచి పోషించార‌ని ఆరోపించారు. కానీ తాము ప‌వ‌ర్ లోకి వ‌చ్చాక లేకుండా చేశామ‌న్నారు. అందుకే త‌మ‌ను ఎవ‌రు ఎన్ని ర‌కాలుగా విమ‌ర్శ‌లు గుప్పించినా ఊరు కోలేద‌న్నారు. అక్ర‌మార్కుల గుండెల్లో నిద్ర పోయాన‌ని చెప్పారు సీఎం యోగి ఆదిత్యానాథ్. బుల్డోజ‌ర్ల దెబ్బ‌కు అక్ర‌మార్కుల ఆట క‌ట్టించామ‌న్నారు.
దీంతో యూపీలో ఇప్పుడు నేర‌స్తులు త‌మ పేర్లు చెప్పేందుకు భ‌య‌ప‌డుతున్నార‌ని ఇదంతా త‌న వ‌ల్ల‌నే సాధ్య‌మైంద‌న్నారు యోగి ఆదిత్యానాథ్. రాష్ట్రంలో ఇప్పుడు పూలు మాత్ర‌మే క‌నిపిస్తున్నాయ‌ని స్ప‌ష్టం చేశారు.
ప్ర‌జ‌ల‌కు మెరుగైన పాల‌న అందించేందుకు కృషి చేస్తున్నామ‌ని చెప్పారు సీఎం. ప్ర‌స్తుతం రైతుల ప‌రిస్థితి మ‌రింత మెరుగు ప‌డింద‌న్నారు. ప్ర‌స్తుతం అసెంబ్లీలో బడ్జెట్ స‌మావేశాలు కొన‌సాగుతున్నాయి.
ఈ స‌మావేశాలు మార్చి 10 వ‌ర‌కు జ‌రుగుతాయి. స‌మాజ్ వాదీ పార్టీ హ‌యాంలో నాటిన ముళ్ల‌ను బీజేపీ బుల్ డోజ‌ర్ల‌తో తొల‌గించింద‌ని..వాటికి నీళ్లు పోసి పూలు పూసేలే చేసింద‌న్నారు యోగి ఆదిత్యానాథ్(Yogi Adityanath Bulldozers). ఈ సంద‌ర్భంగా ఎస్పీ చీఫ్ అఖిలేష్ యాద‌వ్ ను ఉద్దేశించి సీరియ‌స్ కామెంట్స్ చేశారు సీఎం. మీ ప్ర‌భుత్వంలో నాటిన ముళ్ల పొద‌ల‌ను తొల‌గించామ‌న్నారు. ఇక్క‌డ ఇక నుంచి పూలు మాత్ర‌మే పూసేలా చేస్తాన‌న్నారు సీఎం.
ముళ్లు పెరిగే ధోర‌ణితో ఉన్న వారి నుండి పువ్వులు పూయించ లేమ‌న్నారు సీఎం. త‌న ఆరేళ్ల పాల‌న‌ను గ‌తంలో ఉన్న ఎస్పీ పాల‌న‌తో పోల్చారు.
Also Read : ఫ‌రూక్ అబ్దుల్లా షాకింగ్ కామెంట్స్