YS Sharmila: అళ్ల రామకృష్ణారెడ్డిపై వైఎస్‌ షర్మిల ఇంట్రెస్టింగ్ కామెంట్స్ !

YS Sharmila: మంగళగిరి ఎమ్మెల్యే ఆళ్ల రామకృష్ణారెడ్డిపై ఏపీపీసీసీ చీఫ్ వైఎస్ షర్మిల(YS Sharmila) కీలక వ్యాఖ్యలు చేసారు. రామకృష్ణారెడ్డి తనకు అత్యంత దగ్గర మనిషి. ఆయనతో నాకు ఉన్న అనుబంధం వేరు. ఆయన ఎక్కడ ఉన్నా సంతోషంగా ఉండాలన్నారు. ‘ఆళ్లపై ఉన్న ఒత్తిడి అంతా ఇంతా కాదని… ఆయన చెల్లిగా నేను అర్థం చేసుకోగలనన్నారు. అయితే ఒక మంచి పర్సన్‌… రాంగ్‌ ప్లేస్‌ లో ఉన్నారని షర్మిల వ్యాఖ్యానించారు. రామకృష్ణకు నాకు రాజకీయాలు లేవు. రాజకీయంగా కారణాలు లేకపోతే వ్యక్తిగతంగా టార్గెట్ చేయాలి. వ్యక్తిగతంగా టార్గెట్ చేయమని చెప్పే అవసరం నాకు లేదు’’ అని షర్మిల చెప్పుకొచ్చారు. ప్రస్తుతం షర్మిల చేసిన వ్యాఖ్యలు సోషల్ మీడియాలో వైరల్ గా మారుతున్నాయి.

YS Sharmila Comments

మంగళగిరి ఎమ్మెల్యే తనను కాదని ఇన్ చార్జిగా మరొకరిని నియమించడంతో మనస్తాపానికి గురైన ఆళ్ల రామకృష్ణారెడ్డి… డిసెంబరు 11న వైసీపీ ప్రాధమిక సభ్యత్వానికి, ఎమ్మెల్యే పదవికి రాజీనామా చేసారు. ఏపీపీసీసీ చీఫ్ గా వైఎస్ షర్మిల పదవీ బాధ్యతలు స్వీకరించిన తరువాత… ‘ఇకపై వైఎస్‌ షర్మిల నాయకత్వంలోనే నడుస్తా’ అంటూ జనవరి 21న కాంగ్రెస్ పార్టీలో చేరారు. అయితే నెల రోజులు తిరగకముందే మళ్ళీ సొంత గూటికి చేరుకున్నారు. ఫిబ్రవరి 20న ఆళ్ల సోదరుడు, ఎంపీ అయోధ్య రామిరెడ్డితో కలిసి సీఎం జగన్‌ ను కలిసి పార్టీ కండువా కప్పుకున్నారు. కాంగ్రెస్ పార్టీలో చేరిన నెలరోజులకే ఆళ్ల తిరిగి సొంతగూటికి చేరడం ఏపీ రాజకీయాల్లో చర్చనీయాంశంగా మారింది.

Also Read : Roja Selvamani : వైఎస్ఆర్ ఆస్తులు జగన్, షర్మిలకు పంపకాలపై రోజా కీలక వ్యాఖ్యలు